O‘qituvchilardan yashash xonadonini suratga olib yuborish talab qilinmoqda

14:09 / 29.07.2026 1.28k

Ijtimoiy tarmoqlarda Sirdaryo viloyatida o‘tkazilayotgan “Eng namunali xonadon” tanlovi yuzasidan turli xabarlar tarqalmoqda. Xususan, o‘qituvchilardan tanlovda ishtirok etish uchun o‘z uylarining turli qismlarini suratga olib yuborish talab qilinayotgani aytilmoqda.

Jurnalist Ibrat Safo ushbu holatni tanqid qilib, tanlov uchun ishtirokchilar topishda qiyinchilik yuzaga kelgani sababli navbatdagi vazifa yana maktablar zimmasiga yuklangani haqida yozdi.

Muallifning ta’kidlashicha, mahalla aholisi orasida tanlovga qiziqish past bo‘lgani bois, tanlovni tashkil etayotganlar o‘qituvchilarni jalb etishga qaror qilgan. Buning uchun esa maktablarga tegishli ko‘rsatmalar yuborilgani va pedagoglardan o‘z xonadonlarining turli burchaklarini suratga olib jo‘natish so‘ralayotgani aytilmoqda.