Xalq ta’limi Info tahririyati O‘zbekiston taʼlim va fan xodimlari kasaba uyushmasi Respublika kengashi bilan hamkorlik aloqalarini yo‘lga qo‘ygan. Hamkorlik doirasida pedagog xodimlarning mehnat huquqini himoya qilish, ularga amaliy yordam ko‘rsatib borish ham nazarda tutilgan.

2023-yilning oktyabr oyida O‘zbekiston taʼlim va fan xodimlari kasaba uyushmasi Respublika kengashi bilan hamkorlikda “1-oktyabr - O‘qituvchi va murabbiylar kuni” munosabati bilan “Eng ahil pedagogik jamoa” tanlovi o‘tkazilib, g‘olib jamoalar munosib taqdirlangan. Kelgusida bu kabi tanlovlarni davomiy tarzda o‘tkazishga kelishib olingan.