O'zbek
O‘quvchi qiz sinfdoshini qo‘rqitish uchun maktabga pichoq olib keldi
Buxorodagi qator maktablarda o‘quvchilarining sumkalaridan sovuq qurollar (pichoq, qaychi, kastet) va zo‘ravonlikni targ‘ib qiluvchi vositalar topildi. Bu haqda Xabar.uz nashri ma’lum qildi.
Milliy gvardiya Buxoro viloyati boshqarmasi matbuot xizmati boshlig‘i, kapitan Murodjon Rahmatulloyev ma’lum qilishicha, Buxoro shahridagi maktablardan birining 11-sinfida o‘quvchi qizning otasiga nisbatan MJTK 47-moddasi qo‘llanilgan.
Holatga ko‘ra, o‘quvchi qiz o‘zi bilan kelishmaydigan sinfdoshini qo‘rqitish maqsadida uyidagi oshxona pichog‘ini yashirincha sumkasida maktabga olib kelgan. Xuddi shunday holat Jondor tumanidagi maktabda ham sodir bo‘lgan.
Oshxona pichog‘ini nega o‘zing bilan maktabga olib kelding?
– Oldindan kelisholmay keladigan sinfdoshim bor, o‘shani qo‘rqitish uchun...
Milliy gvardiya leytenanti o‘quvchi qizning onasi bilan yuzlashadi.
– Qizim bu pichoqni charxlatish uchun olib kelgan, uqdilaringmi, nima deysanlar?! — po‘pisalanadi u xizmat xodimlariga.
“To‘g‘risi, o‘quvchi qizlarning ko‘zlarida hadik yo‘q, aksincha, tajovuzkorlik aks etib turardi. Bunday vaziyatda o‘quvchilar o‘rtasidagi ichki nizo ko‘ngilsiz oqibatlarni keltirmasligiga hech qanday kafolat yo‘q.
Qiz hech ikkilanmay qilmishini tan oldi va uni ochiqladi. Biroq uning onasi bilan suhbatda kattalarning bola tarbiyasi borasidagi majburiyatlarini bajarishmayotgani shundoq ko‘rinib turardi”, — dedi katta leytenant Nargiza Ashurova.
Izohlar 0
Izoh qoldirish uchun ro'yxatdan o'ting!
Yangiliklar
Attestatsiya to‘lovi 10-martgacha amalga oshiriladi, biroq xatolik chiqsa, pullar qaytarilmaydi
Vazir E’zoza Karimova maktabda dars o‘tdi
Vazirlik malaka toifasi sertifikati muddatlari nega o‘zgarib qolganiga izoh berdi
Vazirlikni sudga bergan tarix fani o'qituvchilari haq bo'lib chiqdi
Mavzuga doir yangiliklar
Yangiliklar
Endilikda vazirining giyohvandlikka qarshi kurashish bo‘yicha alohida o‘rinbosari bo‘ladi
Endilikda giyohvandlikka nisbatan toqatsizlik muhitini shakllantirish maqsadida Yoshlar ishlari agentligi, Maktabgacha va maktab ta’limi, Oliy ta’lim, fan va innovatsiyalar vazirliklarida rahbarning alohida o‘rinbosari bo‘ladi.
Yangiliklar
Endi o‘quvchilarning zararli odatlari haqida xabar bergan pedagoglar mukofotlanishi mumkin
2026-yildan boshlab maktab o‘quvchilarda shubhali yoki salbiy xulq alomatlari kuzatilsa, bu haqida ota-onalarni o‘z vaqtida xabardor qilish mexanizmi yo‘lga qo‘yiladi.
Yangiliklar
Endi o‘ta og‘ir bo‘lmagan jinoyat sodir etgan voyaga yetmaganlar sudlanmagan hisoblanadi
Voyaga yetmaganlarga nisbatan jinoiy javobgarlikni yanada liberallashtirish, o‘n sakkiz yoshga to‘lguniga qadar sodir etgan jinoyati uchun jazoni o‘tab bo‘lgan shaxsni sudlanmagan deb hisoblashning alohida tartibi belgilandi.
Yangiliklar
Maktabga bormay sotuvchilik qilib yurgan o‘quvchi oradan ikki oy o‘tib nazoratga olindi
Bola ijtimoiy-huquqiy yordam ko‘rsatish markaziga joylashtirilgan
Izohingizni tahrirlang