30 soat darsni 3 kunga qo‘ydirib, qolgan uch kun dam olsa bo‘ladimi?

Savol
Bir kunda necha soat dars o‘tishim mumkin? Masalan, 30 soat darsni 3 kunga qo‘yib, 3 kun dam olsam bo‘ladimi? Bu noqonuniy bo‘lib qolmaydimi? Bir hamkasbimizga "zavuchimiz" shunaqa imkoniyat qilib beryapti. Chunki maktabimiz ikki smenali.
Javob
O‘qituvchining ish vaqti uning ish yuklamasidan kelib chiqib aniqlanadi. Bir stavka miqdorda (yuqori sinflarda 20, boshlang‘ich sinflarda 18 soat) ishlaydigan o‘qituvchi Mehnat kodeksining 184-moddasiga ko‘ra, haftasiga 36 soat, kuniga 6 soatdan ishlashi kerak bo‘ladi.
E’tibor bering, pedagog xodim dars o‘tish bilan birga unga qo‘shimcha ravishda pedagogik yuklamani ham bajarishi kerak bo‘ladi.
Chunki, "Umumiy o‘rta ta’lim muassasalarining pedagogik mutaxassisliklari bo‘yicha namunaviy yillik ish rejasini shakllantirish tartibi to‘g‘risida"gi yo‘riqnomada aniq qoidalar belgilab berilgan.
Unga ko‘ra, pedagog xodimining yillik ish yuklamasi (bir stavka hisobida) bir haftada 36 soat, bir oyda 154,8 soat, bir yilda 1548 soat miqdorida o‘quv-tarbiya jarayoni hamda o‘quv-tarbiya jarayonining metodik ta’minoti va tashkiliy-pedagogik jarayon qismlardan iborat bo‘lgan holda amalga oshiriladi.
Misol uchun, bir stavka ishlovchi yuqori sinf o‘qituvchisi yiliga 868 soat dars o‘tadi, 680 soat pedagogik yuklamasida belgilab berilgan vazifalarni bajaradi. (20*0,8=16+20=36*4,3(hafta)=154,8*43 (hafta)=1548 soat)
Tabiiyki, bunda 30 soat dars o‘tadigan o‘qituvchining pedagogik yuklamasi yanada ko‘proqni tashkil etadi. Hisob-kitoblar bo‘yicha aytadigan bo‘lsak, bir stavkada ishlovchi o‘qituvchiga kuniga 3 soatdan dars qo‘yilgan taqdirda, u pedagogik yuklamasi bilan birga yana 3 soatga yaqin ishlashiga to‘g‘ri kelmoqda.
Ya’ni, bir stavkada ishlayotgan xodimga ham haftada atigi bir kunni bo‘sh qoldirish imkoniyati mavjud xolos. 1.5 stavkada ishlaydigan xodimga esa 3 kunni bo‘shatib berishning esa umuman imkoni yo‘q.
30 soat dars olgan o‘qituvchi o‘zi shundoq ham pedagogik yuklamasi bilan birga qo‘shib hisoblaganda haftasiga 6 kun ishlaganda bir kunda 9 soatdan ishlashiga to‘g‘ri kelib qoladi. (30*0,8=24+30=54; 54:6=9)
Agar 30 dars 3 kunga qo‘yib beriladigan bo‘lsa, o‘qituvchi 18 soat ishlashiga to‘g‘ri keladi. (54:3=18) Bu esa qonunan to‘g‘ri kelmaydi.
Agar qaysidir ta’lim muassasasida 30 soat dars 3 kunga qo‘yib berilayotgan bo‘lsa, unda qonun buzilishi ro‘y bergan. Agar bu holat tegishli davlat idoralari tomonidan aniqlansa, maktab ma’muriyatiga nisbatan javobgarlik belgilanadi.
Izohlar 3
Izoh qoldirish uchun ro'yxatdan o'ting!
Yangiliklar

Maktabgacha va maktab ta’lim tizimi mehnat qonunchiligi eng ko‘p buzilgan sohalardan biri deb topildi

Maktablarda aniqlangan ayrim muammolar yuzasidan senator so‘rovi yuborildi

Issiq ob-havo sabab Qoraqalpog‘istondagi ayrim bog‘chalar yopiladi

O‘zbekistonlik o‘quvchilar Xalqaro Kimyo Olimpiadasida tarixidagi eng yaxshi natijani qayd etdi
Mavzuga doir yangiliklar

Maktab o‘qituvchilarining haftalik yuklamasi kamaytirildimi?
Ijtimoiy tarmoqlarda boshlang‘ich sinf o‘qituvchilarining haftalik yuklamasini 18 soatdan 16 soatga, yuqori sinf o‘qituvchilarining yuklamasini esa 20 soatdan 18 soatga tushirish haqida prezident topshiriq bergani haqida xabarlar tarqalmoqda.

Yangi o‘quv yilidan 3-sinflarda ham informatika fani joriy etiladi
“Informatika va axborot texnologiyalari” fani 1-2-3-sinflarda boshlang‘ich sinf o‘qituvchilari tomonidan o‘qitiladi.

Boshlang‘ich sinf o‘qituvchilarini 5 kunlik ish rejimiga o‘tkazish vazirlik qo‘lida edi, ammo...
Pedagog xodimlar uchun metodik kunlar rasman bekor qilingani sababli, boshlang‘ich sinf o‘qituvchilariga shanba kunini dam olish kuni sifatida belgilash imkoniyati paydo bo‘lgandi, ammo vazirlik bunday qilishga urinib ham ko‘rmadi, aniqrog‘i xohlamagan ko‘rinadi.

Deputatlar ham 5 kunlik o‘qish tizimi haqida gapira boshladi
Oliy Majlis Qonunchilik palatasi deputati Shaxnoza Xolmaxamatova “Ta’lim tizimini to‘liq 5 kunlik o‘qish va ish rejimiga o‘tkazish” mavzusiga e’tibor qaratdi.
Izohingizni tahrirlang