Tuman hokimi Samarqand viloyati MMTBga boshliq bo‘ldi

Maktabgacha va maktab ta’limi vazirining lavozimga tayinlash to‘g‘risidagi tegishli buyrug‘iga ko‘ra, Hamdamov Muzaffar Yazdonqulovich Samarqand viloyati Maktabgacha va maktab ta’limi boshqarmasi boshlig‘i lavozimiga tayinlandi.
Joriy yil, 25-fevral kuni Samarqand viloyati Maktabgacha va maktab ta’limi boshqarmasida viloyat hokimi vazifasini bajaruvchi Adiz Boboyev raisligida yig‘ilish bo‘lib o‘tdi. Unda Maktabgacha va maktab ta’limi vaziri birinchi o‘rinbosari Sherzod Karimov hamda vazir o‘rinbosari Temur Komilovlar ishtirok etishdi.
Mazkur yig‘ilishda viloyat boshqarmasi boshlig‘i lavozimiga Hamdamov Muzaffar Yazdonqulovich tayinlangani e’lon qilindi.
Hamdamov Muzaffar 1980-yilda Samarqand viloyati, Toyloq tumanida tug‘ilgan. U 2005-yilda Toshkent moliya institutini tamomlab, soliq va soliqqa tortish, buxgalteriya hisobi va audit mutaxassisliklarini egallagan.
O‘z mehnat faoliyatini 1999-yilda Toyloq tumani hokimligi moliya bo‘limida bosh hisobchi muovini sifatida boshlagan. Keyinchalik, turli lavozimlarda, jumladan, Toyloq tumani markaziy shifoxonasi bosh hisobchisi, Samarqand viloyati moliya boshqarmasida bosh iqtisodchi, yetakchi iqtisodchi va boshqarma boshlig‘i o‘rinbosari sifatida faoliyat yuritgan.
2017-2018-yillarda Samarqand viloyati bo‘yicha G‘aznachilik boshqarmasi boshlig‘i, 2018-2019-yillarda esa viloyat Davlat moliyaviy nazorat boshqarmasi boshlig‘i lavozimlarida ishlagan.
2024-yil 5-noyabrda Paxtachi tumani hokimi lavozimiga tayinlangan Hamdamov Muzaffar 2025-yil 25-fevral kuni Samarqand viloyati Maktabgacha va maktab ta’limi boshqarmasi boshlig‘i lavozimiga tayinlandi.
Izohlar 0
Izoh qoldirish uchun ro'yxatdan o'ting!
Yangiliklar

A.Avloniy nomidagi malaka oshirish institutiga yangi prorektor tayinlandi

Endilikda maktab o‘quvchilari uchun “Zakovat” musobaqalari faqat bahor faslida o‘tkaziladi

23 ming nafar maktab bitiruvchilari hali ham pasport olmagan

Maktabgacha va maktab ta’limi tizimi xodimlari jinoyat ustida qo‘lga olindi
Mavzuga doir yangiliklar

A.Avloniy nomidagi malaka oshirish institutiga yangi prorektor tayinlandi
Maktabgacha va maktab ta’limi vazirining tegishli buyrug‘iga muvofiq, Raxmanov Zafarjon Yashinovich A.Avloniy nomidagi pedagogik mahorat milliy institutining Akademik faoliyat bo‘yicha prorektori lavozimiga tayinlandi.

Maktab direktori Toshkent shahar MMTBga boshliq bo‘ldi
Ushbu lavozimga Yuldasheva Iroda Saloxutdinovna tayinlandi

“Zamhokim” Buxoro viloyati MMTBga boshliq bo‘ldi
Ushbu lavozimga Elliyev Hamza Quvvatovich tayinlandi

Toshkent viloyati MMTBga yangi boshliq tayinlandi
Ushbu lavozimga Yuldoshov Maxmud Ma’ruf o‘g‘li tayinlandi
Izohingizni tahrirlang