Maktabda er va xotin direktor o‘rinbosari bo‘lib ishlashi mumkinmi?
Unga ko‘ra:
O‘zaro yaqin qarindosh yoki quda tomondan qarindosh bo‘lgan shaxslarning (ota-ona, aka-ukalar, opa-singillar, o‘g‘illar, qizlar, er-xotin, shuningdek er-xotinning ota-onasi, aka-ukalari, opa-singillari va farzandlari) aynan bitta davlat tashkilotida birga xizmat qilishi, agar ularning birga xizmat qilishi ulardan birining ikkinchisiga bevosita bo‘ysunishiga yoki uning nazorati ostida bo‘lishiga bog‘liq bo‘lsa taqiqlanadi.
Ammo ushbu qoidada istisnolar ham bor
Ya’ni, Vazirlar Mahkamasining 1997-yil 11-martdagi 133-sonli qarori bilan barcha o‘quv va tarbiya muassasalaridagi pedagog xodimlar, o‘qituvchilar, bibliograflar va kutubxonachilar uchun istisnolar belgilangan.
Bu degani, yaqin qarindoshlari, masalan xodimning turmush o‘rtog‘i, o‘g‘li, qizi, maktabda pedagog xodim, o‘qituvchi, bibliograf yoki kutubxonachi bo‘lib, birga ishlashi mumkin.
Yuqoridagi holatda er – direktorning xo‘jalik ishlari bo‘yicha o‘rinbosari, xotin – direktorning o‘quv ishlari bo‘yicha direktor o‘rinbosari. Ya’ni, ular pedagog xodim emas, rahbar xodim hisoblanadi.
Bu vaziyatda ularning birga xizmat qilishi ulardan birining ikkinchisiga bevosita bo‘ysunishiga yoki uning nazorati ostida bo‘lishiga bog‘liq emas. Ya’ni, ikkisi ham maktab direktoriga bo‘ysunadi.
Agar er – maktab direktori, ayol – uning o‘rinbosari bo‘lib ishlasa, bu Mehnat kodeksiga zid bo‘lib qolardi. Ammo yuqoridagi holatda ikkisi ham o‘rinbosar.
Xulosa qilib aytadigan bo‘lsak, davlat tashkilotlarida, jumladan davlatga tegishli bo‘lgan maktabda er va xotin direktor o‘rinbosarlari lavozimida ishlashi mumkin. Bu Mehnat kodeksining 121-moddasiga zid emas.
Izohlar 2
Izoh qoldirish uchun ro'yxatdan o'ting!Yangiliklar
“Huquq” fani o‘qituvchilari 2026-yil yakunigacha bepul qayta tayyorlovdan o‘tkaziladi
Vazirlikdagi ayrim rahbar xodimlarining tadbirkorlik qilishi ma’lum bo‘ldi
16-sentyabrdan fan olimpiadalari boshlanadi
66 ta maktabning pedagog jamoasiga 40 foizgacha ustamalar tayinlandi
Mavzuga doir yangiliklar
Shtatlar qisqarganda ham ayrim toifadagi xodimlarni ishdan bo‘shatib bo‘lmaydi
Bu jinoiy javobgarlikka ham sabab bo‘lishi mumkin
Qisqarishga tushgan psixolog, kutubxonachi hamda laborantlar endi qanday harakat qilishi kerak?
Qisqarishga tushayotgan xodimlar uchun mehnat qonunchiligida qanday imtiyoz va kafolatlar bor?
O'zbekistonda “Ta’lim kodeksi”ni qabul qilish taklifi berildi
Bu taklifni vazir Hilola Umarova ham qo'llab-quvvatladi
Pedagog va rahbar xodimlar necha kun mehnat ta’tiliga chiqadi?
Vazirlar Mahkamasining tegishli qarori bilan mehnat ta’tili davomiyligi me’yorlari belgilangan.
Izohingizni tahrirlang