Andijondagi maktablarning birida yong‘in sodir bo‘lgani aytildi

12:01 / 12.03.2024 1.41k

Andijon viloyati Oltinko‘l tumanida joylashgan 9-maktabda yong‘in sodir bo‘ldi.

Andijon viloyati maktabgacha va maktab ta’limi boshqarmasi axborot xizmatining xalqtaliminfo.uz'ga ma’lum qilishicha, maktab binosi yonidagi 1 qavatli oshxonaning tom qismi yonib zararlangan.

Favqulodda vaziyatlar vazirligining xabar berishicha, bugun, 12 mart kuni soat 09:56 da Oltinko‘l tumanida joylashgan maktabning yonidagi binoda yong‘in sodir bo‘layotgani to‘g‘risida FVBga xabar kelib tushgan. Shunga ko‘ra, 6 ta yong‘in-qutqaruv ekipaji soat 10:00 da hodisa joyiga yetib borib, yong‘in soat 10:05 da o‘rab olingan va soat 10:14 da o‘chirilgan.

Ma’lum bo‘lishicha, maktab binosi yonidagi 1 qavatli oshxonaning taxminan 85 kv.m maydonda tom qismi yong‘indan zararlangan. Yong‘in oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.