Maktab qorovullarning yangi ish tizimi joriy qilindi

19:00 / 12.03.2024 8.60k

Maktablarda o‘quvchi va o‘qituvchilarni xavfsizligini ta’minlash borasida hozirda qorovullarning yangi ish tizimi joriy qilindi. Bu haqda Milliy gvardiya matbuot xizmati xabar berdi.

Ilgari qorovullar faqatgina tungi vaqtda maktab binosini va jihozlarini qo‘riqlash bilan shug‘ullanardi.

Yangi ish tartibi bo‘yicha bir nafar qorovul kunduzgi vaqtda xizmat olib boradi, maktab xududiga begonalar kirishini oldini oladi, kirish-chiqish va ichki tartibni nazorat qiladi. Qorovullik lavozimlari boschiqma-bosqich harbiy xizmatni o‘tagan yosh kadrlar bilan to‘ldirilmoqda.

Eslatib o‘tamiz, biz ham oddiy maktablarga ham qo‘riqlash xizmati xodimlari jalb qilish lozimligi haqida bir necha marotaba taklif bergandik.

Prezident maktablariga davlat byudjeti hisobidan qo‘riqlash xizmatidan alohida xodim ajratilishi, ular ta’lim muassasasiga kirib chiqayotgan fuqarolarni ham, o‘quvchilarni ham birdek nazorat qilishi, oddiy maktablar esa karvonsaroy bo‘lib, u yerga istagan fuqaro xohlagan payti bostirib kirishi mumkinligini tanqid qilgandik.

Hozirga kelib, Milliy gvardiya xodimlarini jalb qilgan holda maktab qorovullarning yangi ish tizimi joriy qilinishi o‘z samarasini bera boshladi.