CHQBT fani o‘qituvchisiga direktor jamg‘armasi hisobidan ustama bersa bo‘ladimi?

Savol
CHQBT fani o‘qituvchisi sifatida men ham ustama uchun da’vogar bo’ldim, hujjatlarimni shakllantirdim. Afsuski, tuman adliya bo‘limi sizlar rahbar xodim hisoblanasiz, shuning uchun direktor jamg‘armasidan ustama belgilanmaydi deb menga buyruq chiqarishmayapti.
Ustamaga ball yig‘ishdagi ko‘rik-tanlovlarda “Vatanparvarlar”, “Yosh chegarachilar” va shu kabi bir qancha harbiy-sport musobaqalari mavjud. Bu musobaqalarni biz ya’ni ChQBT rahbarlari o‘tkazamiz-ku. Nega endi ustama to‘lanmasligi kerak?
Javob
Vazirlar Mahkamasining 2023-yil 8-noyabrdagi 591-son qarori bilan tasdiqlangan nizomning 7-bob, 39-bandida CHQBT fani o‘qituvchilariga respublika ta’lim muassasalarida boshqa fan o‘qituvchilari uchun nazarda tutilgan barcha imtiyozlar va ijtimoiy kafolatlar tatbiq etilishi nazarda tutilgan.
Mazkur nizomning 37-bandiga ko‘ra, CHQBT fani o‘qituvchisi lavozimiga ko‘ra ta’lim muassasasi direktorining o‘rinbosariga tenglashtiriladi. Ta’lim muassasasida ushbu fan o‘qituvchilari soni shtat bo‘yicha ikki nafar bo‘lgan taqdirda, ulardan ish staji va tajribasi ko‘p bo‘lgan CHQBT o‘qituvchisi lavozimi bo‘yicha direktor o‘rinbosari hisoblanadi.
Xalq ta’limi vazirligining 2019-yil 28-dekabrdagi 406-sonli buyrug‘ida Vatanparvarlik ruhida yoshlarni tayyorlash bo‘yicha direktor o‘rinbosarlari (CHQBT rahbari) ushbu fan bo‘yicha haftada 10 soatgacha o‘quv mashg‘ulotlarini o‘tishlari, lekin mazkur o‘tilayotgan darslar ularning lavozim majburiyatlari tarkibiga kiritilgan bo‘lib, buning uchun alohida ish haqi to‘lanmasligi ko‘rsatilgan.
Pedagog xodimlarga direktor jamg‘armasi hisobidan ustama tayinlash esa Vazirlar Mahkamasining 2019-yil 30-sentyabrdagi 823-son qarori bilan tasdiqlangan “Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida”gi nizom bilan tartibga solinadi.
Mazkur nizomning 33-1-bandida pedagog xodimlarga belgilangan ustamalar ularning tarifikatsiya ro‘yxatida ajratilgan dars soatlariga (o‘qituvchining tarif stavkasiga) mutanosib ravishda to‘lanishi nazarda tutilgan.
CHQBT fani o‘qituvchisining o‘tayotgan 10 soat darsiga qo‘shimcha ish haqi to‘lanmasligi sababli, ularga direktor jamg‘armasi hisobidan ustama tayinlash imkonsiz deb hisoblaymiz.
Izohlar 1
Izoh qoldirish uchun ro'yxatdan o'ting!
Yangiliklar

Gulnora Karimova o‘zlashtirgan pullardan ta’limga ham yo‘naltirilmoqda

Ikki mingta maktab yuqori yuklama bilan ishlayapti

Maktab direktori lavozimi uchun 3 ming dollar

Yana ikki nafar maktab o‘quvchisi ijaraga mashina olib, avtohalokatga uchradi
Mavzuga doir yangiliklar

O‘qituvchilarga 70 foizlik ustama berilishi aniq bo‘ldi
O‘zbekistonning pedagog kadrlarga malaka toifasi berish tizimi Xalqaro ta’lim akkreditatsiya jamiyati (INTEAS) tomonidan xalqaro akkreditatsiyadan o‘tkazildi.

Yil o‘rtasida o‘qituvchining ustama foizini kamaytirish to‘g‘rimi?
O‘tgan yili menga 823-qaror bo‘yicha direktor jamg‘armasidan 20% ustama belgilandi, 2025-yil yanvar oyida esa ustamaning 10 foizi asossiz olib tashlandi. Sababini so‘rasam, moliyadan, yuqoridan shunday topshiriq bor degan bahonalarni eshitdim, xolos. Bu qanchalik asosli?

Pedagoglarga ustama belgilashda inobatga olinadigan tadbirlar ro‘yxatiga qo‘shimcha kiritildi
Аl-Xorazmiy nomidagi aniq va tabiiy fanlar (science) olimpiadasining tabiiy fanlar (fizika, kimyo, biologiya) yo‘nalishida o‘quvchilar natijaga erishgan taqdirda ham pedagog xodimlarga ustama uchun ball bermaslikka to‘g‘ri kelib qolgandi.

Al-Xorazmiy olimpiadasi natijalari ustamaga ta’sir qiladimi?
Yaqinda o‘tkazilgan Аl-Xorazmiy nomidagi tabiiy fanlar (science) olimpiadasidagi o‘quvchilarning natijalari o‘qituvchiga ustama uchun ball berishda hisobga olinadimi?
Izohingizni tahrirlang