Yana bog‘cha bolalari ovqatdan zaharlandi
 
                    Jizzax viloyatining Forish tumanidagi maktabgacha va maktab ta’limi bo‘limiga qarashli 1, 3, 5 va 7-sonli davlat maktabgacha ta’lim muassasalarining 3 yoshdan 7 yoshgacha bo‘lgan 37 nafar tarbiyalanuvchilari ovqatdan zaharlangani ma’lum bo‘ldi. Bu haqda Forish tumani hokimligi Axborot xizmati rasmiy bayonotida ma’lum qildi.
Ma’lum qilinishicha, 2025-yil 9-oktyabr kuni soat 9-00 lardan 16-00 ga qadar bo‘lgan vaqt davomida Forish tumani maktabgacha va maktab ta’limi bo‘limiga qarashli 1, 3, 5 va 7-sonli davlat maktabgacha ta’lim muassasalarining 3 yoshdan 7 yoshgacha bo‘lgan 37 nafar tarbiyalanuvchilari isitma ko‘tarilishi, ko‘ngil aynishi, qorin og‘rig‘i, ich ketish va holsizlik kabi shikoyatlari bilan tuman tibbiyot birlashmasiga murojaat qilishgan.
Shifokorlar tomonidan o‘tkazilgan epidemiologik surishtiruv davomida murojaat qilib kelgan bolalar 2025 yil 8 oktyabr kuni maktabgacha ta’lim muassasalarida biokefir, sir va sariyog‘ kabi mahsulotlari iste’mol qilishganligi aniqlanib, ularga anamnez va birinchi tekshiruvlar asosida “o‘tkir diareya” tashxisi qo‘yilib, statsionar ravishda tibbiy yordam ko‘rsatilgan.
Aniqlanishicha, Jizzax viloyati sanitariya-epidemiologik osoyishtalik va jamoat salomatligi boshqarmasining dastlabki xulosasiga asosan Forish tumani maktabgacha va maktab ta’limi bo‘limiga qarashli 1, 3, 5 va 7-sonli davlat maktabgacha ta’lim tashkilotlarida ommaviy zaharlanish yuzaga kelishida oziq-ovqat mahsulotlarini tashish, saqlash, ishlov berish jarayonlaridagi sanitariya qoida va normalarining buzilishi holatlari mavjudligi sababli inson organizmida oshqozon-ichak hazm qilish tizimining buzilishiga olib kelishi mumkinligi aniqlangan.
“Mazkur holat yuzasidan Forish tuman prokuraturasi tomonidan O‘zbekiston Respublikasi Jinoyat kodeksining 205-moddasi 1-qismi bilan 082352/2025-24-fg sonli jinoyat ishi qo‘zg‘atilib, surishtiruv ishlari olib borilmoqda”, - deyiladi hokimlik bergan rasmiy bayonotda.
Eslatib o‘tamiz, avvalroq Toshkent viloyatining Piskent va Bo‘ka tumanlaridagi bir necha maktabgacha ta’lim tashkiloti tarbiyalanuvchilari ovqatdan zaharlangandi.
Comments 4
Please register to comment! 
                        
                    
                    
                    News
 
                                30-oktyabrdan maktablarda niqob taqish majburiy bo‘ladimi?
 
                                Bu safar ham attestatsiya bo‘yicha sud ishida o‘qituvchilar vazirlikka yutqazdi
 
                                O‘qituvchilarga dars soatlarini taqsimlash bo‘yicha yangi tartib joriy etildi
 
                                Information about the spread of a viral disease among children has been denied.
News on the topic
 News
                                                                                                    News
                                
                                Some private kindergartens were closed due to violations of sanitary requirements.
It turned out that the kitchens of 60 kindergartens are in need of repair, there are interruptions in the water supply, and handwashing equipment is not sufficiently equipped.
 News
                                                                                                    News
                                
                                Four children who were poisoned in a kindergarten in Jizzakh remain hospitalized.
The Children's Ombudsman visited state preschool educational organizations No. 1, 3, 5, and 7 and conducted a monitoring study.
 News
                                                                                                    News
                                
                                Kindergarten children were massively poisoned, the minister personally took control of the situation.
On September 24th, reports emerged of food poisoning among children in several preschools in the Piskent and Buka districts of Tashkent region.
 News
                                                                                                    News
                                
                                Vacant land in the school will be given to entrepreneurs who want to build a kindergarten for free use for 30 years.
Construction of kindergartens on the basis of public-private partnerships will be permitted on vacant school lands. In this case, entrepreneurs will not be charged rent for land for 30 years.
 
                 
                 
                 
             
                 English
                                English 
                                                                                                                             
                                 
                                 
                                 
                         
                                    
Edit your comment