O'zbek
Tojikiston ham bolalarga ijtimoiy tarmoqlarni taqiqlamoqchi
Tojikiston parlamenti deputati Dilnoza Ahmadzoda 14 yoshgacha bo‘lgan bolalarga ijtimoiy tarmoqlardan foydalanishni butunlay taqiqlashni, o‘smirlar foydalanishini esa qat’iy nazorat ostiga olishni taklif qildi. Uning bu haqdagi taklifi “Narodnaya gazeta” nashrida e’lon qilindi, deya xabar berdi Qalampir.uz tahririyati.
Deputatning bildirishicha, joriy yilda mamlakat hukumati bolalar huquqlarini himoya qilish to‘g‘risidagi qonunga yolg‘on va zararli ma’lumotlarga oid ayrim o‘zgartirishlarni kiritgan. Shunga qaramay, uning fikricha, bolalar va o‘smirlarning ijtimoiy tarmoqlardan foydalanishini nazorat ostiga olish uchun qonunga boshqa o‘zgartirishlar ham kiritish zarur.
Ahmadzodaning taklifiga ko‘ra, 14 yoshgacha bo‘lgan voyaga yetmaganlarga ijtimoiy tarmoqlarga kirish mutlaqo taqiqlanishi kerak, 14 yoshdan 17 yoshgacha bo‘lgan o‘smirlar esa faqat ota-onaning yozma roziligi bilan foydalanishi mumkin bo‘ladi.
Biroq mutaxassislar fikricha, ijtimoiy tarmoqlardan foydalanishni butunlay taqiqlash muammoni hal qilmaydi. Ularning fikriga ko‘ra, to‘liq taqiq qo‘yishdan ko‘ra, foydalanishni tartibga solish va nazorat qilish samaraliroq bo‘ladi.
Ma’lumot uchun: So‘nggi yillarda bir qator — Janubiy Koreya, Niderlandiya, Avstraliya, Norvegiya, Italiya, Qirg‘iziston va Rossiya kabi mamlakatlarda bolalar va o‘smirlarga ijtimoiy tarmoqlardan foydalanishni cheklash hamda mobil telefondan foydalanishini taqiqlovchi qoidalar joriy qilinmoqda.
Izohlar 0
Izoh qoldirish uchun ro'yxatdan o'ting!
Yangiliklar
Farg‘ona va Xorazm viloyati MMTB boshliqlari ma’muriy javobgarlikka tortildi
Vazirlik xorijiy til o‘qituvchilari uchun B2 sertifikati talabini malaka talablariga kiritdi
Bugundan maktab maslahatchisi lavozimi uchun test sinovlari boshlandi
“B2 sertifikati yo‘q o‘qituvchilarni ishdan bo‘shatib bo‘lmaydi” — Davlat mehnat inspeksiyasi
Mavzuga doir yangiliklar
Yangiliklar
Yana ikkita mamlakat hukumati bolalarga ijtimoiy tarmoqni taqiqlamoqchi
Endilikda Malayziya hamda Daniya hukumati ham bolalarga ijtimoiy tarmoqlarni taqiqlash bo‘yicha choralar ko‘rmoqda.
Maqola
O‘zbekiston maktablarida mobil telefonlardan foydalanish 13 yil avvalgi norma bilan tartibga solinmoqda
O‘zbekiston Hukumati ta’lim muassasalarida mobil telefondan foydalanishning yangi tartibini joriy qilish bo‘yicha yangi taqiqlar joriy etishni o‘ylab ko‘rganicha yo‘q.
Xorij ta'limi
Bolalarga ijtimoiy tarmoqlardan foydalanish butunlay taqiqlandi — Avstraliya
Dunyoda birinchi bo‘lib Avstraliyada 16 yoshgacha bo‘lgan bolalarga ijtimoiy tarmoqlardan foydalanish rasman taqiqlanadi.
Yangi Zelandiya
Yangi Zelandiya ham bolalarga ijtimoiy tarmoqlarni taqiqlamoqchi
Mamlakat parlamenti o‘smirlar uchun ijtimoiy tarmoqlardan foydalanishni cheklovchi qonun loyihasini ko‘rib chiqmoqchi.
Izohingizni tahrirlang