O'zbek
Giyohvand modda sotgan maktab direktori 10 yilga qamaldi
Maktab direktori sherigi bilan shartli xaridorga qariyb 1 kg opiy giyohvand moddasini 12 ming AQSh dollariga sotmoqchi bo‘lgan vaqtida tezkor tadbirda ushlandi. Bu haqda Kun.uz nashri xabar berdi. Oldin ham firibgarlik jinoyatini sodir qilib sudlangan direktor sud hukmi bilan uzoq muddatga ozodlikdan mahrum qilindi.
Samarqand viloyatining Urgut tumanida giyohvand modda savdosi bilan shug‘ullangan maktab direktori va uning sherigi jinoiy jazoga tortildi. Kun.uz sud hujjati bilan tanishdi.
Sud hukmida keltirilishicha, 1986-yilda tug‘ilgan F.X. Urgut tumanidagi 71-umumta’lim maktabi direktori lavozimida ishlagan. U 2024-yil avgust oyi boshlarida mahalladoshi Sh.A. bilan ko‘p miqdordagi opiy giyohvand moddasini Samarqand viloyati hududida sotish bo‘yicha jinoiy til biriktirgan.
Jinoiy rejaga muvofiq Sh.A. tergovda shaxsini aniqlash imkoni bo‘lmagan shaxsdan qariyb 1 kg opiyni pulini sotganidan so‘ng berish sharti bilan olgan. So‘ngra sheriklar 2024-yil 27-noyabr kuni giyohvand moddani huquqni muhofaza qiluvchi organ xodimlari tomonidan tezkor tadbirga jalb qilingan shartli xaridorga 12 ming AQSh dollariga sotmoqchi bo‘lgan vaqtda ushlangan. Ulardan bir dona qora rangli sellofan paketga o‘ralgan opiy giyohvand moddasi ashyoviy dalil tariqasida olingan. Uning og‘irligi 921,36 grammni tashkil qilgan.
F.X. sudda aybiga qisman iqrorlik bildirgan hamda opiyni tuman Maktabgacha va maktab ta’limi bo‘limida ishlovchi tanishining iltimosiga asosan topib berganligini, bundan manfaatdor bo‘lmaganini aytgan. Qilmishidan pushaymonligini bildirgan direktor suddan yengillik so‘ragan.
Sh.A. ham aybiga qisman iqror bo‘lib, F.X. turmush o‘rtog‘ini ishga qabul qilishini aytgani uchun uning iltimosiga rozi bo‘lib, giyohvand modda topib berganini ma’lum qilgan.
Sud hukmi bilan F.X. va Sh.A. Jinoyat kodeksining 25,273-moddasi 5-qismida (Giyohvandlik vositalari, ularning analoglari yoki psixotrop moddalarni ko‘p miqdorda qonunga xilof ravishda sotish) nazarda tutilgan jinoyatni sodir etganlikda aybli deb topilgan. F.X.ga 10 yil 2 oy, Sh.A.ga 11 yil muddatga ozodlikdan mahrum qilish jazosi tayinlangan.
Izohlar 0
Izoh qoldirish uchun ro'yxatdan o'ting!
Yangiliklar
Maktabgacha va maktab ta’limi vazirligiga qanday vazifalar belgilab berildi?
Samarqand “oblono” boshlig‘i ishdan olindi
Ta’limni rivojlantirish markazi direktori Prezident Administratsiyasiga ishga o‘tdi, TRMga esa boshqa rahbar tayinlandi
Hilola Umarovaning o‘rnini Ilxom Siradjev egalladi
Mavzuga doir yangiliklar
Yangiliklar
Samarqand “oblono” boshlig‘i ishdan olindi
Samarqand viloyati Maktabgacha va maktab ta’limi boshqarmasi rahbari Muzaffar Hamdamov aslida iqtidorli o‘quvchilar yuborilishi kerak bo‘lgan “Alvon yelkanlar” bayramiga o‘z o‘g‘li va jiyanini qo‘shib yuborgani uchun ishdan olindi.
Yangiliklar
Samarqand “oblono” boshlig‘i farzandini xorijga yuborgani uchun 28 mln so‘m mablag‘ budjetga qaytarildi
Samarqand viloyati Maktabgacha va maktab ta’limi boshqarmasi mansabdor shaxslari tomonidan qonunbuzarlikka yo‘l qo‘yilgani o‘z isbotini topdi.
Yangiliklar
Endi pedagoglar bolalarga zo‘ravonlik qilsa, maktab direktori ularni ishdan bo‘shatishi mumkin bo‘ladi
Maktabgacha va maktab ta’limi vaziri bolalarga nisbatan zo‘ravonlikning barcha shakllariga bo‘lgan murosasizlik muhitini shakllantirish, ularning huquqlari, erkinliklari va qonuniy manfaatlarini ishonchli himoya qilish to‘g‘risidagi buyruqni imzolandi.
Yangiliklar
Endilikda vazirining giyohvandlikka qarshi kurashish bo‘yicha alohida o‘rinbosari bo‘ladi
Endilikda giyohvandlikka nisbatan toqatsizlik muhitini shakllantirish maqsadida Yoshlar ishlari agentligi, Maktabgacha va maktab ta’limi, Oliy ta’lim, fan va innovatsiyalar vazirliklarida rahbarning alohida o‘rinbosari bo‘ladi.
Izohingizni tahrirlang