Fan olimpiadalaridan 2 oylik natija - 110 ta medal

Maktabgacha va maktab ta’limi vazirligining xabar berishicha, so‘nggi ikki oyda o‘quvchilar turli fan olimpiadalaridan 110 ta medalni qo‘lga kiritishdi.

Natijalar quyidagicha:

• Xalqaro Kavkaz matematika olimpiadasini O‘zbekiston terma jamoasi 4 ta oltin, 1 ta kumush, 2 ta bronza medal bilan yakunladi. 

O‘tkazilgan joyi: 14-19-mart,  Adigeya Respublikasi

Ishtirokchi davlatlar soni: 20 ga yaqin

• Yevropa qizlar olimpiadasida O‘zbekiston terma jamoasi 1 ta kumush, 2 ta bronza medal sohibi bo‘ldi. 

O‘tkazilgan joyi: 11-17-aprel, Kosova

Ishtirokchi davlatlar soni: 55 ta

• Xalqaro robototexnika olimpiadasida O‘zbekiston terma jamoasi 5 ta oltin, 5 ta kumush, 1 ta bronza medalni qo‘lga kiritdi.

O‘tkazilgan joyi: 15-20-aprel, Turkiya

Ishtirokchi davlatlar soni: 20 ga yaqin

• II Xalqaro Matematika Olimpiadasida O‘zbekiston terma jamoasi 4 ta oltin, 9 ta kumush, 4 ta bronza medalga ega bo‘ldi. 

O‘tkazilgan joyi: 21-25-aprel, Turkmaniston

Ishtirokchi davlatlar soni: 15 ga yaqin

• Bolqon Matematika Olimpiadasida O‘zbekiston terma jamoasi 1 ta oltin, 4 ta kumush medal sohibi bo‘ldi. 

O‘tkazilgan joyi: 25-30-aprel, Bosniya va Gersogovinya

Ishtirokchi davlatlar soni: 30 ga yaqin

• Osiyo Fizika olimpiadasida O‘zbekiston terma jamoasi 1 ta bronza medalini qo‘lga kiritdi. 

O‘tkazilgan joyi: 4-12-may, Saudiya Arabistoni

Ishtirokchi davlatlar soni: 27 ta

• Xalqaro ingliz tili olimpiadasi (ELO) da O‘zbekiston terma jamoasi 9 ta kumush medal, 6 ta kubokni qo‘lga kiritdi.

O‘tkazilgan joyi: 8-12-may, Iordaniya

Ishtirokchi davlatlar soni: 30 ga yaqin 

• Al-Xorazmiy nomidagi xalqaro matematika va informatika olimpiadasida O‘zbekiston terma jamoasi 7 ta oltin, 13 ta kumush va 30 ta bronza medal oldi.

O‘tkazilgan joyi: 8-12-may, O‘zbekiston

Ishtirokchi davlatlar soni: 9 ta

• 59-Xalqaro Mendeleyev olimpiadasida O‘zbekiston terma jamoasi 3 ta oltin, 2 ta kumush va 2 ta bronza medalni qo‘lga kiritdi.

O‘tkazilgan joyi: 5-13-may, Braziliya

Ishtirokchi davlatlar soni: 40 ta

Eslatib o‘tamiz, O‘zbekiston Respublikasi Prezidentining tegishli Farmoniga ko‘ra, 2025-yil 1-iyundan boshlab nufuzli xalqaro fan olimpiadalari g‘olib va sovrindorlariga to‘lanadigan bir martalik pul mukofotining amaldagi miqdorlari 5 baravarga oshiriladi.