Vazirlik korrupsiyaga qarshi kurashish samaradorligi reytingida “yaxshi” natijani qayd etdi

16:30 / 28.03.2024 2.68k

Davlat idoralarining korrupsiyaga qarshi kurashishdagi faoliyati samaradorligi reyting baholandi. Unda Maktabgacha va maktab ta’limi vazirligi 82 ball bilan “yaxshi” natijani qayd etdi.

Bunda vazirlik huzuridagi Ixtisoslashtirilgan ta’lim muassasalari agentligi ham 81 ball bilan “yaxshi” natijaga erishgan.

Maktabgacha ta’lim agentligi esa 56 ball bilan “qoniqarli” deb topilgan. Bu haqida Korrupsiyaga qarshi kurashish agentligi ma’lum qildi.

Ma’lumot uchun, korrupsiyaga qarshi kurashish ishlarining samaradorligini reyting baholash tizimi bo‘yicha davlat organlari va tashkilotlari, shu jumladan, mahalliy ijro etuvchi hokimiyat organlarining 2023-yil davomidagi faoliyatida korrupsiyaga qarshi kurashish mexanizmlar qay darajada samarali amalga oshirilgani baholandi.

Bu yil 95 ta davlat tashkiloti, jumladan, 36 ta davlat tashkiloti ilk marotaba, qolgan 59 tasi esa takroran baholashdan o‘tkazilgan bo‘lib, korrupsiyaga qarshi kurashish ishlarining samaradorligi 0 balldan 100 ballgacha reytingda baholandi.

Baholash natijalariga ko‘ra, mazkur tashkilotlarning faoliyat samaradorligi quyidagi toifalarga ajratildi:

42 tasi “yaxshi” (81-100 ball)

38 tasi “qoniqarli” (55-80 ball)

15 tasi “qoniqarsiz” (55 balldan past)