“Ona tili” va “O‘zbek tili” fani o‘qituvchilari uchun yaxshi imkoniyat

Maktabgacha va maktab ta’limi vazirligi o‘qituvchilarning ta’lim sifatini oshirishga qaratilgan innovatsion g‘oyalarini qo‘llab-quvvatlash, ularning pedagogik faoliyatini rag‘batlantirish maqsadida “Yilning eng yaxshi o‘zbek tili o‘qituvchisi” tanlovini e’lon qildi.

Tanlovda umumiy o‘rta ta’lim maktablarining ona tili va o‘zbek tili fani o‘qituvchilari “Men tavsiya etaman…” nomli video-taqdimotlari bilan ishtirok etishlari mumkin.

Tanlovda ishtirok etish istagida bo‘lgan o‘qituvchilar joriy yilning 20-oktyabriga qadar vazirlikning hududiy boshqarmalari tomonidan tashkil etilgan maxsus botlar orqali onlayn ro‘yxatdan o‘tishlari va taqdimotlarini video shaklda jo‘natishlari lozim:

• Qoraqalpog‘iston Respublikasi

• Andijon viloyati

• Buxoro viloyati

• Jizzax viloyati

• Qashqadaryo viloyati

• Navoiy viloyati

• Namangan viloyati

• Samarqand viloyati

• Sirdaryo viloyati

• Surxondaryo viloyati

• Farg‘ona viloyati

• Xorazm viloyati

• Toshkent viloyati

• Toshkent shahri

Tanlovning respublika bosqichi g‘oliblari o‘zbek tili bayrami arafasida quyidagi mukofotlar bilan taqdirlanadi:

1-o‘ringa — “Yilning eng yaxshi o‘zbek tili o‘qituvchisi” I darajali diplomi, 20 mln. so‘m pul mukofoti;

2-o‘ringa — “Yilning eng yaxshi o‘zbek tili o‘qituvchisi” II darajali diplomi, Monoblok;

3-o‘ringa — “Yilning eng yaxshi o‘zbek tili o‘qituvchisi” III darajali diplomi, Noutbuk.

Tanlov shartlari bilan tanishish