O'zbek
O‘qituvchi yaratgan mashina vazirlik tomonidan 63 mln so‘mga moliyalashtirildi
Chust tumanidagi 11-umumta’lim maktabi jismoniy tarbiya o‘qituvchisi Shuhrat Rahmonov avtomobil prototiplarini yaratish bilan shug‘ullanib kelmoqda.
Uning Toshkentda namoyish etilgan “Baggi” sport avtomobili Oliy ta’lim, fan va innovatsiyalar vazirligi tomonidan 63 million so‘m miqdorida moliyalashtirildi.
Shuhratbek Rahmonov anchadan buyon avtomobilsozlik sohasida katta yutuqlarga erishib kelmoqda. Dastlab u erkin kurash sport turi bilan shug‘ullanib, xalqaro musobaqalarda muvaffaqiyat qozongan sportchi sifatida tanilgan. So‘nggi yillarda esa bolalikdan bo‘lgan qiziqishi – texnika va ixtirolar yo‘nalishida o‘z izlanishlarini boshladi.
Uning ilk ishlanmalari – yuk tashuvchi mototsikl, yuqori tezlikka moslashtirilgan kvadrosikl hamda ixcham avtomobil modellari jamoatchilik tomonidan iliq kutib olindi. Bu esa uni yanada yangi innovatsion g‘oyalar sari ilhomlantirdi.
O‘tgan yili Toshkentda bo‘lib o‘tgan ko‘rgazmada namoyish etilgan “Baggi” sport avtomobili modeli Innovatsion rivojlanish agentligining e’tiborini tortgan.
Shundan so‘ng, ushbu loyihani qo‘llab-quvvatlash maqsadida 76,5 million so‘m miqdorida mablag‘ ajratilgan. Natijada o‘qituvchi bir yil ichida turli murakkab sharoitlarda – botqoq, tog‘li va notekis yo‘llarda bemalol harakatlana oladigan ixcham transport vositasini ishlab chiqqan.
Ixtirochi o‘qituvchisi ushbu tezkor avtomobilga “Peredator” nomini bergan. Ushbu transport vositasi to‘liq mahalliy butlovchi qismlardan yig‘ilgan bo‘lib, uni yig‘ishda “Damas”ning dvigateli hamda “Vaz-2106”ning uzatmalar qutisidan foydalanilgan.
Izohlar 0
Izoh qoldirish uchun ro'yxatdan o'ting!
Yangiliklar
O‘quvchilar o‘rtasida Alisher Navoiy olimpiadasi o‘tkazilib, g‘oliblar grand asosida o‘qishga qabul qilinadi
Musiqa va jismoniy tarbiya fani o‘qituvchilari milliy sertifikatni qay tartibda qo‘lga kiritishi aniq bo‘ldi
Vazir E’zoza Karimovaga deputatlik so‘rovi yuborildi
Fan olimpiadasi testlari tarqalishiga sababchi bo‘lganlar javobgarlikka tortiladi
Mavzuga doir yangiliklar
Yangiliklar
Prezident 100 nafarga yaqin pedagog va murabbiylarni mukofotladi
O‘zbekiston Respublikasi Prezidentining tegishli farmoni bilan o‘qituvchi va murabbiylar kuni munosabati bilan ta’lim-tarbiya tizimida alohida o‘rnak ko‘rsatgan bir guruh xodimlar mukofotlandi.
Yangiliklar
O‘qituvchilarga Prezident sovg‘asi — BYD avtomobili berildi
Prezident Shavkat Mirziyoyev o‘qituvchi va murabbiylar kuni arafasida soha xodimlari bilan o‘tkazgan muloqotida Romitan tumanidagi 38-maktabning ingliz tili fani o‘qituvchisi Billura Ikromova hamda To‘raqo‘rg‘on tumanidagi 37-maktabning ingliz tili fani o‘qituvchisi Nodira Nabiyeva faoliyati bilan tanishdi.
Yangiliklar
O‘qituvchi bir vaqtning o‘zida ikkita fandan ham oliy toifa oldi
U Davlat va huquq asoslari fanidan ham Tarbiya fanidan ham oliy malaka toifasini oldi.
Izohingizni tahrirlang