“Dunyoning eng yaxshi maktabi” mukofotiga sazovor bo‘lgan maktablar haqida bilasizmi?

20:00 / 19.05.2024 1.48k

Dunyoning 5 ta eng yaxshi maktab mukofotiga ega bo‘lgan har bir maktabga 50 000 dollardan beriladi. 2023-yilda dunyoning eng yaxshi maktab mukofotini olgan maktablar jami 250 000 dollarga ega bo‘lishgan.

Ushbu mukofot COVIDdan keyin, o‘quvchilar hayotini o‘zgartirayotgan va jamiyatga haqiqiy o‘zgarishlar kiritayotgan ilg‘or maktablar tajribalarini almashish uchun ta’sis etilgan.

2023-yilda dunyoning eng yaxshi mukofotiga ega quyidagi 5 ta maktab munosib deb topilgan:

1.Hamjamiyat hamkorligi uchun dunyoning eng yaxshi maktab mukofoti g‘olibi:

“SPARK Soweto”, Janubiy Afrikaning Yoxannesburg shahridagi mustaqil, qisman hukumat tomonidan moliyalashtiriladigan bolalar bog‘chasi va boshlang‘ich maktabi;

2.Atrof-muhitni muhofaza qilish bo‘yicha:

“Institusion Educativa Municipal Montessori sede San-Fransisko”, Kolumbiyada joylashgan, boshlang‘ich va o‘rta maktabi;

3.Innovatsiyalar bo‘yicha dunyoning eng yaxshi maktab mukofoti g‘olibi:

“Riverside” maktabi Hindistonning Gujarat shtati, Ahmadobod shahridagi mustaqil xalqaro maktabi;

4.Qiyinchiliklarni yengish bo‘yicha dunyoning eng yaxshi maktab mukofoti g‘olibi:

“Max Reyne Hand In Hand Quddus” maktabi Isroildagi yagona ikki tilli, yahudiy-arab integratsiyalashgan boshlang‘ich o‘rta maktabi;

5.Sog‘lom hayotni qo‘llab-quvvatlash bo‘yicha dunyoning eng yaxshi maktab mukofoti g‘olibi:

“EEMTI Joaquim Bastos Gonsalves”, Karnaubal shahridagi hukumat o‘rta maktabi.

Dunyoning eng yaxshi maktab mukofotiga o‘quvchilarni majburiy ta’limda o‘qitadigan va tegishli ta’lim vazirligi yoki hukumat nazoratidagi, jumladan, bolalar bog‘chasi, boshlang‘ich va o‘rta maktablar va qonuniy ro‘yxatdan o‘tgan maktablar da’vogarlik qilishi mumkin.

Ma’lumot uchun, 2024-yilgi “Dunyoning eng yaxshi maktabi” mukofotiga da’vogarlik uchun arizalar shu yilning 23-fevraliga qadar davom etgan.