O'zbek
Farg‘onadagi uchta bog‘chada bolalar kasallanishi holati kuzatildi
Farg‘ona shahridagi 2-, 7- va 47-sonli maktabgacha ta’lim tashkilotlari tarbiyalanuvchilarida kasallanish holatlari kuzatilgani ma’lum qilindi. Bolalarda tana haroratining ko‘tarilishi, qorin og‘rig‘i, holsizlik, ko‘ngil aynishi va ich ketishi kabi alomatlar kuzatilgan.
O‘zbekiston Respublikasi Oziq-ovqat mahsulotlari xavfsizligi qo‘mitasi ma’lumotiga ko‘ra, ushbu shikoyatlar bilan bolalar Farg‘ona viloyati yuqumli kasalliklar shifoxonasiga murojaat qilgan.
Dastlabki epidemiologik surishtiruv doirasida bolalar iste’mol qilgan oziq-ovqat mahsulotlari va taomlar o‘rganilgan. Jumladan, nonushta, tushlik va kechki tamaddi uchun iste’mol qilingan mahsulotlar hamda ularni yetkazib beruvchilar aniqlangan.
Shuningdek, oziq-ovqat mahsulotlari va tayyor taomlardan laboratoriya tekshiruvlari uchun namunalar olingan. Ayni paytda epidemiologik surishtiruv va laboratoriya tekshiruvlari davom etmoqda.
2026-yil 26-oktabr soat 11:00 holatiga ko‘ra, 28 nafar bola yuqumli kasalliklar shifoxonasida davolanmoqda. Bemorlarning umumiy ahvoli barqaror bo‘lib, og‘ir ahvoldagi bolalar mavjud emas.
Shuningdek, tibbiy yordam so‘rab murojaat qilgan yana 23 nafar bolaning ahvoli qoniqarli deb baholangan. Ularga tegishli tibbiy tavsiyalar berilib, uy sharoitida davolanishga ruxsat etilgan.
Hozircha bolalarning kasallanishiga aynan nima sabab bo‘lgani haqida yakuniy xulosa e’lon qilinmagan. Laboratoriya tekshiruvlari natijalari hodisa sabablarini aniqlashda muhim ahamiyatga ega bo‘ladi.
Izohlar 0
Izoh qoldirish uchun ro'yxatdan o'ting!
Yangiliklar
Farg‘onadagi uchta bog‘chada bolalar kasallanishi holati kuzatildi
Ertadan pedagoglar uchun kuzgi attestatsiya sinovlari boshlanadi
Ta’lim tizimida psixologik xizmatni rivojlantirish bo‘yicha yangi tizim joriy etiladi
“Aravani tortolmagan kadr bizning oramizda bo‘lmaydi” — Erkinjon Turdimov
Mavzuga doir yangiliklar
Maktabgacha ta'lim
Bog‘cha tarbiyalanuvchi hasharotlarga qarshi dori ichib qo‘yishi oqibatida vafot etdi
2023-yilda tug‘ilgan tarbiyalanuvchi bog‘cha oshxonasida hasharotlarga qarshi kurashishda foydalaniladigan BSM vositasini ichib qo‘ygan.
Yangiliklar
Bog‘chalardagi ommaviy zaharlanish ishi: 11 nafar ayblanuvchiga sud hukmi o‘qildi
Sud hukmiga ko‘ra, 11 nafar sudlanuvchi Jinoyat kodeksining 257-1-moddasi 1-qismida nazarda tutilgan sanitariyaga oid qonunchilikni yoki epidemiyaga qarshi kurash qoidalarini buzish jinoyatini sodir etganlikda aybdor deb topildi.
Yangiliklar
Jizzaxdagi bog‘chada zaharlangan bolalardan 4 nafari shifoxonada qolmoqda
Bolalar ombudsmani 1,3,5 va 7-sonli davlat maktabgacha ta’lim tashkilotlarida bo‘lib, monitoring o‘rganishi o‘tkazdi.
Yangiliklar
Bog‘cha bolalari ommaviy zaharlandi, vazir holatni shaxsan nazoratga oldi
24-sentyabr kuni Toshkent viloyatining Piskent va Bo‘ka tumanlaridagi bir necha maktabgacha ta’lim tashkiloti tarbiyalanuvchilari ovqatdan zaharlangani haqida xabar tarqaldi.
Izohingizni tahrirlang