Top.Mail.Ru
CHQBT fani o‘qituvchisiga toifasi bo‘yicha haq to‘lanadimi?

CHQBT fani o‘qituvchisiga toifasi bo‘yicha haq to‘lanadimi?

13:00 / 01.06.2024 1.36k
Savol
Men 2022-yil 29-iyun kuni CHQBT fanidan attestatsiyada qatnashib, II-malaka toifasini oldim. Shu kunga qadar mening II-malaka toifam bo‘yicha ish haqi to‘lanmadi, shunga aniqlik kiritib bering, iltimos.

Javob
Vazirlar Mahkamasining “Ta’lim muassasalarida chaqiruvga qadar boshlang‘ich tayyorgarlikni tashkil etish tartibi to‘g‘risidagi nizomni tasdiqlash haqida”gi qarori bilan CHQBT o‘qituvchilariga zaxiradagi harbiy unvon va malaka toifasi berish tizimi joriy etilgan.

Unga ko‘ra 2024-yil 15-yanvardan chaqiruvga qadar boshlang‘ich tayyorgarlik fani o‘qituvchilariga ta’lim tashkilotlarining boshqa fan o‘qituvchilari uchun belgilangan tartibda malaka toifasi berish amaliyoti yo‘lga qo‘yildi.

Bunda attestatsiya xulosasiga ko‘ra malaka toifasi berilgan CHQBT fani o‘qituvchisining lavozim maoshi umumta’lim muassasasida mos keluvchi malaka toifasiga ega bo‘lgan fan o‘qituvchilarining maoshiga tenglashtiriladi.

2024-yil 15-yanvardan boshlab malaka toifasiga ega bo‘lgan CHQBT fani o‘qituvchisiga quyidagicha haq to‘lanishi lozim:

  • Mutaxassis – 2 mln 948 ming 543 so‘m;
  • Ikkinchi toifali – 3 mln 301 ming 055 so‘m;
  • Birinchi toifali – 3 mln 678 ming 381 so‘m;
  • Oliy toifali – 4 mln 064 ming 865 so‘m.

Agar CHQBT fani o‘qituvchisi ilgari malaka toifasini olgan bo‘lsa, unda 2024-yil 15-yanvardan boshlab ularning malaka toifasiga mutanosib ravishda oylik ish haqi to‘lab borilishi lozim deb hisoblaymiz.

Izohlar 0

Ko'proq ko'rish
Izoh qoldirish uchun ro'yxatdan o'ting!

Teglar

  • Malaka toifa

Ulashish