Ixtisoslashtirilgan maktab o‘qituvchisi o‘rindoshlik asosida boshqa maktabda ham ishlashi mumkinmi?
![](http://xalqtaliminfo.uz/storage/posts/1721381489photo_2024-07-19_14-953.jpg)
Savol
Ixtisoslashtirilgan ta’lim muassasalari agentligi tasarrufidagi maktabda matematika fani o‘qituvchisi bo‘lib ishlayman. Dekret ta’tili tugab, o‘z hisobimdan ta’til olgan vaqtda boshqa xususiy maktabda o‘rindoshlik asosida ishlasam bo‘ladimi? Bu asosiy ishimdan bo‘shashga sabab bo‘lmaydimi?
Javob
O‘rindoshlik asosida ishlash — xodim o‘zining asosiy ishidan tashqari alohida mehnat shartnomasi shartlari bo‘yicha asosiy ishidan bo‘sh vaqtida boshqa muntazam haq to‘lanadigan ishni bajarishidir.
Mehnat kodeksining 432-moddasiga ko‘ra o‘rindoshlik asosidagi ish xodim tomonidan o‘zining asosiy ish joyida (ichki o‘rindoshlik) yoki boshqa ish beruvchida (tashqi o‘rindoshlik) bajarilishi mumkin.
O‘rindoshlik asosida ishlash uchun o‘qituvchi asosiy ish joyidan o‘z hisobidan ta’tilga chiqishi shart emas. Ya’ni, asosiy ishdan bo‘sh vaqtda o‘rindoshlik asosida ishlash xodimning huquqi hisoblanadi.
Vazirlar Mahkamasining 2012-yil 18-oktyabrdagi 297-son qarori bilan tasdiqlangan nizomga ko‘ra o‘rindoshlik asosida ishlash uchun ish beruvchining, asosiy ish joyidan kasaba uyushmasi qo‘mitasining (xodimlarning boshqa vakillik organining) yoki boshqa organning roziligi talab qilinmaydi.
Shuningdek, xodimning asosiy ish joyidagi homiladorlik va tug‘ish ta’tili tugaganidan keyin, unga bolasi ikki yoshga to‘lguniga qadar beriladigan bolani parvarishlash ta’tili davrida ham boshqa bir maktabda o‘rindoshlik asosida ishlashiga cheklov yo‘q.
Faqat o‘rindoshlik asosida ishlashning davomiyligi xodimlarning mazkur toifasi uchun belgilangan ish vaqti normasining yarmidan ortiq bo‘lmasligi kerak.
Mehnat kodeksining 435-moddasiga ko‘ra o‘rindoshlik asosida ishlash to‘g‘risidagi mehnat shartnomalari, agar bu qonunchilikka zid bo‘lmasa, bir yoki bir nechta ish beruvchi bilan ham tuzilishi mumkin.
Xulosa o‘rnida aytadigan bo‘lsak, siz asosiy ishingizdan bo‘sh bo‘lgan vaqtingizda boshqa xususiy maktabda o‘rindoshlik asosida ishlashingiz mumkin.
Izohlar 1
Izoh qoldirish uchun ro'yxatdan o'ting!![](http://xalqtaliminfo.uz/storage/advertisings/1708158595600x600_DIFO735.webp)
Yangiliklar
![Maktablardagi shtatlarni qisqartirish taklifi kimdan chiqqandi?](http://xalqtaliminfo.uz/storage/posts/1725700846photo_2024-09-07_14-401.jpg)
Maktablardagi shtatlarni qisqartirish taklifi kimdan chiqqandi?
![Endi fan olimpiadasi g‘oliblari uchun to‘lanadigan pullardan daromad solig‘i olinmaydi](http://xalqtaliminfo.uz/storage/posts/17256171541723554245photo_2021942.jpg)
Endi fan olimpiadasi g‘oliblari uchun to‘lanadigan pullardan daromad solig‘i olinmaydi
![Maktablardagi ayrim lavozimlar qisqartirildi](http://xalqtaliminfo.uz/storage/posts/1725529454photo_2024-09-05_14-140.jpg)
Maktablardagi ayrim lavozimlar qisqartirildi
![Prezident yana bir bor ta’limga oid takliflarni ko‘rib chiqdi](http://xalqtaliminfo.uz/storage/posts/1725507751photo_2024-09-05_08-674.jpg)
Prezident yana bir bor ta’limga oid takliflarni ko‘rib chiqdi
Mavzuga doir yangiliklar
![](http://xalqtaliminfo.uz/storage/posts/1724584830photo_2024-08-25_16-46.jpg)
30 soat darsni 3 kunga qo‘ydirib, qolgan uch kun dam olsa bo‘ladimi?
Bir stavkada ishlayotgan xodimga ham haftada atigi bir kunni bo‘sh qoldirish imkoniyati mavjud xolos
![](http://xalqtaliminfo.uz/storage/posts/1712555684photo_2024-04-08_10-312.jpg)
Ramazon Hayitida xodimlar necha kun dam olishi aniq bo‘ldimi?
Ramazon oyining 30-kuni 9-aprel, seshanba kuniga to‘g‘ri kelmoqda.
![](http://xalqtaliminfo.uz/storage/posts/1709910032photo_2024-03-08_19-1.jpg)
Ertaga pedagog xodimlar uchun ish kuni
Ijtimoiy tarmoqlarda 9-mart barcha xodimlar uchun dam olish kuni ekanligi haqida xabarlar tarqalmoqda.
![](http://xalqtaliminfo.uz/storage/posts/1709704304photo_2024-03-06_10-938.jpg)
Ramazon oyida xodimlar ishdan vaqtliroq ketishlari mumkinmi?
Ro‘zador xodimlar 30 daqiqa vaqtliroq ketishlari mumkin...
Izohingizni tahrirlang