Sinf rahbarlik va daftar tekshirish uchun to‘lab berilgan pullar qaytarib olinishi to‘g‘rimi?
Savol
2021, 2022 va 2023-yillarda sinf rahbarlik va daftar tekshirish uchun to‘lab berilgan pullar xato to‘langan deb, direktorlar o‘qituvchilardan pullarni o’z ixtiyori bilan qaytarishni so‘rashmoqda. Bu qanchalik qonunchilikka muvofiq?
Javob
Sinf rahbarlik hamda daftar tekshirganlik uchun qo‘shimcha to‘lovlar Vazirlar Mahkamasining 2005-yil 21-dekabrdagi 275-son qarori bilan tasdiqlangan “Xalq ta’limi xodimlari mehnatiga haq to‘lash to‘g‘risida”gi nizom bilan tartibga solinadi.
Mehnat kodeksining 269-moddasiga ko‘ra, xodimga ortiqcha to‘langan ish haqi (shu jumladan mehnat to‘g‘risidagi qonunchilik yoki mehnat haqidagi boshqa huquqiy hujjatlar noto‘g‘ri qo‘llanilganda) undan undirilishi mumkin emas.
Bundan tashqari, Fuqarolik kodeksi 1030-moddasiga ko‘ra, ish haqi va unga tenglashtirilgan to‘lovlar, pensiyalar, nafaqalar, stipendiyalar, hayot yoki sog‘liqqa yetkazilgan zarar tovoni, alimentlar va fuqaroga turmush kechirish vositasi sifatida berilgan boshqa pul mablag‘lari, uning tomonidan vijdonsizlik qilinmaganda va hisob-kitobda xatolar bo‘lmaganda asossiz orttirilgan boylik sifatida qaytarib berilmaydi.
Ya’ni, pedagog xodimlarga 2021, 2022 va 2023-yillarda sinf rahbarlik va daftar tekshirish uchun to‘lab berilgan pullar xato to‘langan deb, uni qaytarishni talab qilib bo‘lmaydi. Bu to‘lovlarni qayta undirib olish imkonsiz.
Izohlar 0
Izoh qoldirish uchun ro'yxatdan o'ting!Yangiliklar
Rossiyada o‘quvchi bolg‘a bilan o‘qituvchisi va sinfdoshlariga hujum qildi
“Huquq” fani o‘qituvchilari 2026-yil yakunigacha bepul qayta tayyorlovdan o‘tkaziladi
Vazirlikdagi ayrim rahbar xodimlarining tadbirkorlik qilishi ma’lum bo‘ldi
16-sentyabrdan fan olimpiadalari boshlanadi
Mavzuga doir yangiliklar
Sinf rahbarlik qilmaydigan o‘qituvchilarga dars berilmaydimi?
Sinf rahbarlik lavozimini o‘qituvchiga majburiy tarzda biriktirish haqida qoida mavjud emas.
Sinf metodbirlashma rahbari 10 foizlik ustama olishga haqlimi?
Aslida, sinf metodbirlashma rahbariga ham 10 foizlik ustamalarni joriy qilish to‘g‘ri bo‘lardi.
Tekshiruvchilar ustama uchun to‘langan pullarni o‘qituvchidan qaytarib olishi to‘g‘rimi?
Ustamalarni ma’lum bir vaqt oralig‘ida to‘xtatib turish nazarda tutilmagan.
Ma’naviyat markazining maktablarda o‘tkazilishi rejalashtirilgan tekshirish ishlari bekor qilindi
Holat bo'yicha mas'ul idoralar rasmiy bayonot berdi.
Izohingizni tahrirlang