O'zbek
O‘qituvchilarga Prezident sovg‘asi — BYD avtomobili berildi
Buxoro va Namangan viloyatidagi maktablarda ishlaydigan ikki nafar o‘qituvchiga Prezident sovg‘asi — BYD CHAZOR avtomobili topshirildi.
Gap shundaki, joriy yilning 15-sentyabr kuni Prezident Shavkat Mirziyoyev o‘qituvchi va murabbiylar kuni arafasida soha xodimlari bilan o‘tkazgan muloqotida Romitan tumanidagi 38-maktabning ingliz tili fani o‘qituvchisi Billura Ikromova hamda To‘raqo‘rg‘on tumanidagi 37-maktabning ingliz tili fani o‘qituvchisi Nodira Nabiyevalar faoliyati bilan tanishdi.
Ma’lum qilinishicha, Billura Ikromova Top-200 talikka kiradigan Buyuk Britaniyaning Reding oliygohini bitirganidan so‘ng, katta-katta idoralardan ish taklifi tushgan bo‘lishiga qaramay, Romitanning eng chekka qishlog‘idagi maktabda ingliz tilidan dars berishni tanlagan.
U TESOL, ESOL va IELTS (C1) kabi nufuzli xalqaro sertifikatlar sohibi, qishloq qizlari uchun mentorlik loyihasi tashabbuskori.
Billura Ikromovaning tashabbusi bilan yirik grantlar uchun loyihalar tayyorlanib, yuzlab yoshlar xorijda ta’lim olish va ijtimoiy dasturlarda ishtirok etish imkoniyatiga ham ega bo‘lgan.
Shu sababli, uning mehnatlari e’tirofi sifatida Prezident sovg‘asi – BYD CHAZOR avtomobili tantanali tarzda topshirildi.
Shuningdek, prezident mazkur muloqot tadbirida Namangan viloyati, To‘raqo‘rg‘on tumanidagi 37-maktabning ingliz tili fani o‘qituvchisi Nodira Nabiyevaning faoliyatini ham e’tirof etgan.
Shu kuni Shavkat Mirziyoyev Namangan viloyatiga tashrifi davomida ushbu o‘qituvchi bilan uchrashgan hamda uning pedagogik faoliyati bilan yaqindan tanishgan.
Uchrashuvdan keyin Nodira Nabiyevaga Prezident sovg‘asi — BYD CHAZOR avtomobili tantanali tarzda topshirildi.
Nodira Nabiyeva “inglizcha-o‘zbekcha surdo lug‘at” yaratgan bo‘lib, Germaniyaning “Lambert Academic Publishing” nashriyotida uning "Teaching English to deaf students" nomli kitobi chop etilgan. 8 ta tilda tarjima qilingan mazkur adabiyot AQSHning Galladet universitetida yordamchi o‘quv-uslubiy qo‘llanma sifatida foydalanilmoqda.
Hozirga qadar pedagogning 50 dan ortiq ilmiy maqolalari Germaniya, AQSH, Fransiya, Angliya, Hindiston, Chexiya kabi davlatlarning nufuzli nashrlarida chop etilgan.
Izohlar 1
Izoh qoldirish uchun ro'yxatdan o'ting!Maqola muallifi
Ulug'bek Po'latov
Loyiha asoschisiTeglar
- O‘qituvchi yutug‘i
- O‘qituvchilar kuni
Ulashish
Yangiliklar
O‘quvchilar o‘rtasida Alisher Navoiy olimpiadasi o‘tkazilib, g‘oliblar grand asosida o‘qishga qabul qilinadi
Musiqa va jismoniy tarbiya fani o‘qituvchilari milliy sertifikatni qay tartibda qo‘lga kiritishi aniq bo‘ldi
Vazir E’zoza Karimovaga deputatlik so‘rovi yuborildi
Fan olimpiadasi testlari tarqalishiga sababchi bo‘lganlar javobgarlikka tortiladi
Mavzuga doir yangiliklar
Yangiliklar
“O‘qituvchilik kasbini eng obro‘li kasbga aylantirish bo‘yicha boshlagan ishlarimiz izchil davom ettiriladi” — Shavkat Mirziyoyev
Shavkat Mirziyoyev O‘qituvchi va murabbiylar kuni munosabati bilan o‘qituvchilarni tabriklab, ularning kasbini “dunyodagi eng ulug‘ va oliyjanob ish” deb aytdi.
Eslatma
O‘qituvchilarga beriladigan mukofot puli miqdori 75 foizga oshirilgan
Endilikda pedagog va rahbar xodimlarga “1-oktyabr — O‘qituvchi va murabbiylar kuni” munosabati bilan 635 ming 500 so‘m emas, balki 953 ming 250 so‘m miqdorida mukofot puli beriladi.
Yangiliklar
Prezident 100 nafarga yaqin pedagog va murabbiylarni mukofotladi
O‘zbekiston Respublikasi Prezidentining tegishli farmoni bilan o‘qituvchi va murabbiylar kuni munosabati bilan ta’lim-tarbiya tizimida alohida o‘rnak ko‘rsatgan bir guruh xodimlar mukofotlandi.
Yangiliklar
O‘qituvchilarni 1-oktyabr munosabati bilan mukofotlash to‘g‘risida ko‘rsatma berildi
Maktabgacha va maktab ta’limi vazirligi “1-oktyabr — O‘qituvchi va murabbiylar kuni” munosabati bilan ta’lim tashkilotlarida ishlayotgan barcha xodimlarni, shu jumladan, rahbar, texnik-xizmat ko‘rsatuvchi xodimlarni ushbu bayram munosabati bilan mukofotlash to‘g‘risida ko‘rsatma berdi.
Izohingizni tahrirlang