Uch yoshgacha bolalari bor ayol o‘qituvchi kasbiy sertifikat olmasdan ishlashi mumkinmi?
Savol
2023/2024-o‘quv yilida ishga kirgan stajyor o‘qituvchining 3 yoshga to‘lmagan farzandi bo‘lsa va u kasbiy sertifikat olish uchun imtihon topshirgan, lekin o‘tolmagan bo‘lsa, farzandi 3 yoshga to‘lmaguncha kasbiy sertifikat olmasdan ish faoliyatini davom ettirishi mumkinmi?
Javob
Vazirlar Mahkamasining 2024-yil 2-fevraldagi 87-son qarori bilan 2023/2024-o‘quv yilidan boshlab umumiy o‘rta ta’lim tashkilotlarida pedagog kasbiga birinchi marta ishga qabul qilingan stajyor-o‘qituvchilar, 2024/2025-o‘quv yilidan boshlab esa bosqichma-bosqich umumiy o‘rta ta’lim tashkilotlarining tegishli toifaga ega bo‘lmagan pedagog kadrlari kasbiy sertifikatlash sinovlariga jalb etilishi belgilangan.
Ammo Vazirlar Mahkamasining mazkur qarori bilan tasdiqlangan reglamentning 10-bandiga ko‘ra quyidagilar kasbiy sertifikatlashdan ma’lum muddatga ozod qilinishi belgilangan:
- homilador ayollar, homiladorlik yoki tug‘ish ta’tilida bo‘lgan ayollar, ular ta’tilda bo‘lgan davrda hamda ishga chiqqanidan keyin bir yil davomida;
- pedagogik faoliyat bilan shug‘ullanayotgan uch yoshgacha bolalari bor ayollar (farzandi uch yoshga to‘lgunga qadar);
- uzoq (uch oydan ortiq vaqt mobaynida) davolanayotgan pedagog kadrlar, ular davolanayotgan davrda hamda ishga chiqqanidan keyin olti oy davomida;
- uch oy va undan uzoq muddatga respublika hamda chet el davlatiga o‘qishga, qayta tayyorlash va malaka oshirish kursiga yuborilgan pedagog kadrlar, ular ishga chiqqanidan so‘ng olti oy davomida.
Demak, yuqoridagi vaziyatda pedagog xodimning uch yoshgacha bo‘lgan farzandi bo‘lishiga qaramay ish beruvchi tomonidan kasbiy sertifikatlashga jalb qilingan. Bu esa Vazirlar Mahkamasining 87-sonli qaroriga zid.
Shu sababli, kasbiy sertifikatlashdan o‘tmagan, uch yoshgacha bolalari bor ayol pedagog xodim uning farzandi uch yoshga to‘lgunga qadar ta’lim muassasasida faoliyatini davom ettirishi mumkin.
Chunki, Mehnat kodeksining 409-moddasiga ko‘ra uch yoshgacha bolasi bo‘lgan xodimlar bilan ish beruvchining tashabbusiga ko‘ra mehnat shartnomasini bekor qilish taqiqlangan.
Izohlar 1
Izoh qoldirish uchun ro'yxatdan o'ting!Yangiliklar
“Huquq” fani o‘qituvchilari 2026-yil yakunigacha bepul qayta tayyorlovdan o‘tkaziladi
Vazirlikdagi ayrim rahbar xodimlarining tadbirkorlik qilishi ma’lum bo‘ldi
16-sentyabrdan fan olimpiadalari boshlanadi
66 ta maktabning pedagog jamoasiga 40 foizgacha ustamalar tayinlandi
Mavzuga doir yangiliklar
Ikkinchi marta ham kasbiy sertifikat ololmaganlar taqdiri nima bo‘ladi?
Yetarli ball to‘play olmagan talabgor bilan tuzilgan mehnat shartnomasi bekor qilinadi
“Ish staji hamda malaka toifasiga ega bo‘lgan pedagoglarni kasbiy sertifikat sinovlariga jalb qilish mumkin emas” – Vazirlik
Ayrim direktorlar topshiriqlar ijrosini noto‘g‘ri talqin qilgan
Ikkinchi toifaga ega bo‘lgan stajyor-o‘qituvchi kasbiy sertifikat olmasdan ishlashi mumkinmi?
Toifaga ega bo‘lgan stajyor-o‘qituvchilarni kasbiy sertifikat imtihoniga jalb qilishga ehtiyoj yo‘q
Attestatsiya hamda kasbiy sertifikatlash test sinovlari qaysi manzillarda o‘tkazilishini bilasizmi?
Vazirlik malaka sinovlari oʻtkaziladigan joy manzillarini e'lon qilgan.
Izohingizni tahrirlang