1-oktaybrdan xususiy universitetlarga qabul yopiladi

O‘zbekistondagi nodavlat oliy ta’lim tashkilotlariga 2026/2027-o‘quv yili uchun qabul jarayonlari yakunlanishiga sanoqli kunlar qoldi. 

Amaldagi tartibga ko‘ra, oliy ta’lim tashkilotlarining bakalavriati va magistraturasiga qabul bir o‘quv yilida bir marta — iyun–sentyabr oylari oralig‘ida amalga oshiriladi.

Shu sababli, nodavlat oliygohlarda 30-sentyabr 2026/2027-o‘quv yili uchun qabulning so‘nggi kuni hisoblanadi. 1-oktyabrdan boshlab yangi o‘quv yili uchun abituriyentlarni talabalikka qabul qilish to‘xtatiladi.

Bundan tashqari, Vazirlar Mahkamasining 2025-yil 30-iyundagi 403-son qarorida nodavlat oliy ta’lim tashkilotlari uchun yana bir muhim talab belgilangan. 

Unga ko‘ra, nodavlat oliygohlar o‘qishga qabul qilingan shaxslar to‘g‘risidagi buyruqlarni yangi o‘quv yilining 1-oktyabridan kechiktirmasdan Oliy ta’lim, fan va innovatsiyalar vazirligining ta’lim jarayonlarini boshqarish yagona axborot tizimi — HEMISda ro‘yxatdan o‘tkazishi shart.

Ya’ni, abituriyentning universitet bilan shartnoma tuzganining o‘zi yetarli emas. Talabalikka qabul qilingan shaxs haqidagi tegishli buyruq belgilangan muddatda HEMIS tizimida ham ro‘yxatdan o‘tkazilishi lozim.

Shuningdek, 2025-yildan boshlab har bir nodavlat oliy ta’lim tashkiloti uchun qabul parametrining eng yuqori ko‘rsatkichi belgilanadi. 

Mazkur ko‘rsatkich universitetning moddiy-texnik bazasi, pedagogik salohiyati hamda o‘quv-dasturiy ta’minotidan kelib chiqib Oliy ta’lim, fan va innovatsiyalar vazirligi tomonidan belgilanadi. Qabul boshlanganidan keyin ushbu parametrni o‘zgartirishga yo‘l qo‘yilmaydi.

Eslatib o‘tamiz, 2026/2027-o‘quv yili uchun nodavlat oliy ta’lim tashkilotlariga qabul jarayonlari joriy yilning 1-iyunidan boshlangan edi. Oliy ta’lim olishni rejalashtirayotgan abituriyentlar uchun muqobil imkoniyatlar ham mavjud. 

Profi Universityda 2026/2027-o‘quv yili uchun qabul hozicha ochiq. Universitetga abituriyentlar Milliy sertifikat yoki “DTM” imtihonida olgan natijalari asosida o‘qishga qabul qilinishi mumkin. 

HUJJAT TOPSHIRISH

Biroq, Profi University oliygohida ham qabul 2026-yil 1-oktyabr kuni yakunlanadi. Shu sanadan so‘ng universitetga abituriyentlar qabul qilinmaydi.