English
Bugundan xususiy universitetlarga qabul jarayonlari boshlandi
18:00 / 01.06.2026
5.07k
Joriy yil 1-iyundan boshlab 2026/2027-o‘quv yili uchun qabul jarayonlari boshlandi. Amaldagi tartibga ko‘ra, nodavlat oliy ta’lim tashkilotlarida qabul jarayonlari har yili iyun–sentyabr oylarida o‘tkaziladi.
Ma’lumki, davlat oliy ta’lim muassasalariga talabalarni o‘qishga qabul qilish faqat imtihon natijalari asosida amalga oshiriladi. Nodavlat oliy ta’lim tashkilotlariga talabalikka qabul qilish esa har bir universitetning qabul komissiyasi tomonidan belgilangan tartib asosida amalga oshiriladi.
Xususiy oliygohlar orasida Profi University talabalarni kirish imtihoni orqali qabul qiladigan kam sonli universitetlardan biri hisoblanadi. Abituriyentlar mazkur oliygohga o‘qishga qabul qilinishi uchun universitet qabul komissiyasi tomonidan belgilangan quyidagi ballarni qo‘lga kiritishi kerak bo‘ladi:
Stomatologiya — 100 ball
Davolash ishi — 100 ball
Iqtisodiyot — 80 ball
Axborot tizimlari va texnologiyalari (IT) — 80 ball
Ingliz tili filologiyasi — 80 ball
Turizm va mehmondo‘stlik — 70 ball
Bank ishi — 80 ball
Pedagogika — 70 ball
Psixologiya — 80 ball
Buxgalteriya va audit — 80 ball
Marketing — 80 ball
Rus tili va adabiyoti — 70 ball
O‘zbek tili — 70 ball
Maktabgacha ta’lim — 60 ball
Boshlang‘ich ta’lim — 70 ball
E’tiborlisi, oliygohlarga qabul jarayonlari endigina boshlangan bo‘lsa-da, ayrim xususiy universitetlarda abituriyentlar soni ming nafardan oshmoqda. Bu esa yoshlarning oliy ta’lim olishga bo‘lgan talabi yuqoriligini hamda nodavlat oliy ta’lim muassasalari ta’lim bozorida tobora muhim o‘rin egallab borayotganini ko‘rsatadi.
Masalan, Profi University’da bugun bo‘lib o‘tgan kirish imtihonida 1 158 nafar abituriyent ishtirok etdi. Qabul natijalari esa imtihon yakunlari e’lon qilingach ma’lum bo‘ladi. Ma’lumotlarga ko‘ra, 2025-yilgi qabul jarayonida Profi University kirish imtihonlarida 42 649 nafar abituriyent qatnashgan bo‘lsa, ulardan 7 831 nafari talabalikka tavsiya etilgan.
Eslatib o‘tamiz, 2025-yil 1-avgustdan boshlab har bir nodavlat oliy ta’lim muassasasi uchun qabul parametrlarining eng yuqori ko‘rsatkichi belgilangan. Kvotalar universitetlarning moddiy-texnik bazasi, pedagogik salohiyati hamda o‘quv-dasturiy ta’minotidan kelib chiqqan holda tasdiqlanadi.
Shuningdek, nodavlat oliy ta’lim muassasalarida maxsus davlat akkreditatsiyasidan o‘tmagan ta’lim dasturlari bo‘yicha talabalar qabuliga yo‘l qo‘yilmaydi. O‘qishga qabul faqat akkreditatsiyadan o‘tgan ta’lim yo‘nalishlari bo‘yicha amalga oshirilishi shart.
Qabul qilingan talabalar haqidagi ma’lumotlar har yili 1-oktyabrdan kechiktirmasdan HEMIS axborot tizimida ro‘yxatdan o‘tkazilishi lozim. Nodavlat OTMlarda talabalarning o‘qishini ko‘chirish, qayta tiklash, o‘qishdan chetlashtirish hamda bitiruvchilarni yakuniy attestatsiyadan o‘tkazish tartibi davlat oliy ta’lim muassasalari uchun belgilangan talablar asosida amalga oshiriladi.
Ma’lumot uchun, Profi University faoliyatini amaldagi litsenziya asosida amalga oshiradi. Universitet Toshkent shahridagi Bektemir va Beruniy kampuslari hamda Navoiy viloyatidagi filiali orqali ta’lim xizmatlarini ko‘rsatmoqda. Universitet ma’lumotlariga ko‘ra, uning ilmiy salohiyat darajasi 38 foizni tashkil etadi.
Comments 0
Please register to comment!
News
10:19 / 09.09.2026
Tashkent is studying the need for school buses
13:29 / 04.09.2026
School Principal Jailed Over Distribution of Teaching Hours
10:16 / 04.09.2026
New extracurricular clubs will be established in schools, and participation will be free of charge
13:17 / 02.09.2026
School libraries to be modernized, with deputy principals responsible for mahalla libraries
News on the topic
Higher education
Oliygoh bitiruvchilarining bandlik darajasi haqidagi tahlillar e’lon qilindi
249 432 nafar bitiruvchining natijalari respublika miqyosidagi 170 ta oliy taʼlim tashkiloti boʻyicha bo‘yicha tahlil qilingan. Tahlil doirasida bitiruvchilarning mehnat bozoriga chiqishi uchun qancha vaqt talab etilishi, ularning qaysi qismi barqaror bandligini saqlab qolishi va oʻrtacha rasmiy daromadlari qanday ekani oʻrganilgan.
14:50 / 26.08.2026
Higher education
Talabalar tibbiyotni haqiqiy murdalar orqali o‘rganmoqdami?
Bilamizki, tibbiyotda ta’lim uzoq davom etadi — diplom olish bilan hammasi tugamaydi. Undan keyin amaliyotdan o‘tish va mustaqil ishlash uchun ruxsat olish talab etiladi. Ko‘plab talabalar hali o‘qishni tugatmasdan turib ham ishga joylashmoqda.
15:53 / 21.08.2026
Higher education
Oliygohlarda talabalar bilimini baholashning yangi tartibi joriy etilishi rejalashtirilmoqda
Normativ-huquqiy hujjatlar muhokamasi portaliga oliy ta’lim tashkilotlarida talabalar bilimini baholash va nazorat qilish tartibini takomillashtirishga qaratilgan Hukumat qarori loyihasi joylashtirildi.
18:08 / 28.07.2026
News
Davlat oliygohlariga hujjat topshiruvchilar soni tobora kamayib boryapti
2026-yilda 677 907 nafar abituriyent davlat oliygohlarida o‘qish istagida onlayn ro‘yxatdan o‘tdi. Bu 2020-yildagi raqamlardan deyarli ikki barobar kam.
14:35 / 15.07.2026
Edit your comment