Русский
Bugundan xususiy universitetlarga qabul jarayonlari boshlandi
18:00 / 01.06.2026
6.11k
Joriy yil 1-iyundan boshlab 2026/2027-o‘quv yili uchun qabul jarayonlari boshlandi. Amaldagi tartibga ko‘ra, nodavlat oliy ta’lim tashkilotlarida qabul jarayonlari har yili iyun–sentyabr oylarida o‘tkaziladi.
Ma’lumki, davlat oliy ta’lim muassasalariga talabalarni o‘qishga qabul qilish faqat imtihon natijalari asosida amalga oshiriladi. Nodavlat oliy ta’lim tashkilotlariga talabalikka qabul qilish esa har bir universitetning qabul komissiyasi tomonidan belgilangan tartib asosida amalga oshiriladi.
Xususiy oliygohlar orasida Profi University talabalarni kirish imtihoni orqali qabul qiladigan kam sonli universitetlardan biri hisoblanadi. Abituriyentlar mazkur oliygohga o‘qishga qabul qilinishi uchun universitet qabul komissiyasi tomonidan belgilangan quyidagi ballarni qo‘lga kiritishi kerak bo‘ladi:
Stomatologiya — 100 ball
Davolash ishi — 100 ball
Iqtisodiyot — 80 ball
Axborot tizimlari va texnologiyalari (IT) — 80 ball
Ingliz tili filologiyasi — 80 ball
Turizm va mehmondo‘stlik — 70 ball
Bank ishi — 80 ball
Pedagogika — 70 ball
Psixologiya — 80 ball
Buxgalteriya va audit — 80 ball
Marketing — 80 ball
Rus tili va adabiyoti — 70 ball
O‘zbek tili — 70 ball
Maktabgacha ta’lim — 60 ball
Boshlang‘ich ta’lim — 70 ball
E’tiborlisi, oliygohlarga qabul jarayonlari endigina boshlangan bo‘lsa-da, ayrim xususiy universitetlarda abituriyentlar soni ming nafardan oshmoqda. Bu esa yoshlarning oliy ta’lim olishga bo‘lgan talabi yuqoriligini hamda nodavlat oliy ta’lim muassasalari ta’lim bozorida tobora muhim o‘rin egallab borayotganini ko‘rsatadi.
Masalan, Profi University’da bugun bo‘lib o‘tgan kirish imtihonida 1 158 nafar abituriyent ishtirok etdi. Qabul natijalari esa imtihon yakunlari e’lon qilingach ma’lum bo‘ladi. Ma’lumotlarga ko‘ra, 2025-yilgi qabul jarayonida Profi University kirish imtihonlarida 42 649 nafar abituriyent qatnashgan bo‘lsa, ulardan 7 831 nafari talabalikka tavsiya etilgan.
Eslatib o‘tamiz, 2025-yil 1-avgustdan boshlab har bir nodavlat oliy ta’lim muassasasi uchun qabul parametrlarining eng yuqori ko‘rsatkichi belgilangan. Kvotalar universitetlarning moddiy-texnik bazasi, pedagogik salohiyati hamda o‘quv-dasturiy ta’minotidan kelib chiqqan holda tasdiqlanadi.
Shuningdek, nodavlat oliy ta’lim muassasalarida maxsus davlat akkreditatsiyasidan o‘tmagan ta’lim dasturlari bo‘yicha talabalar qabuliga yo‘l qo‘yilmaydi. O‘qishga qabul faqat akkreditatsiyadan o‘tgan ta’lim yo‘nalishlari bo‘yicha amalga oshirilishi shart.
Qabul qilingan talabalar haqidagi ma’lumotlar har yili 1-oktyabrdan kechiktirmasdan HEMIS axborot tizimida ro‘yxatdan o‘tkazilishi lozim. Nodavlat OTMlarda talabalarning o‘qishini ko‘chirish, qayta tiklash, o‘qishdan chetlashtirish hamda bitiruvchilarni yakuniy attestatsiyadan o‘tkazish tartibi davlat oliy ta’lim muassasalari uchun belgilangan talablar asosida amalga oshiriladi.
Ma’lumot uchun, Profi University faoliyatini amaldagi litsenziya asosida amalga oshiradi. Universitet Toshkent shahridagi Bektemir va Beruniy kampuslari hamda Navoiy viloyatidagi filiali orqali ta’lim xizmatlarini ko‘rsatmoqda. Universitet ma’lumotlariga ko‘ra, uning ilmiy salohiyat darajasi 38 foizni tashkil etadi.
Комментарии 0
Для комментирования зарегистрируйтесь!
Новости
17:46 / 20.10.2026
Ta’lim va ilm-fan vaziriga o‘rinbosarlar tayinlandi
11:27 / 20.10.2026
Buvayda tumanida 400 o‘quvchiga mo‘ljallangan olimpiadalar markazi qurildi
11:15 / 19.10.2026
Xususiy maktab va universitetlarda ichki ishlar inspektorlari faoliyati yo‘lga qo‘yiladi
23:55 / 17.10.2026
Maktab o‘quvchilari uchun kuzgi ta’til 4-noyabrdan boshlanadi
Тематические новости
Новости
Buvayda tumanida 400 o‘quvchiga mo‘ljallangan olimpiadalar markazi qurildi
Farg‘ona viloyatining Buvayda tumanida bir vaqtning o‘zida 400 nafar o‘quvchini qabul qilish imkoniyatiga ega bo‘lgan Olimpiada markazi qurib bitkazildi.
11:27 / 20.10.2026
Вы знаете?
Информация только на узбекском языке
Информация только на узбекском языке
10:46 / 11.09.2024
Высшее образование
1-oktaybrdan xususiy universitetlarga qabul yopiladi
O‘zbekistondagi nodavlat oliy ta’lim tashkilotlariga 2026/2027-o‘quv yili uchun qabul jarayonlari yakunlanishiga sanoqli kunlar qoldi.
16:40 / 29.09.2026
Высшее образование
O‘zbekiston hindistonlik talabalarni qabul qilishga taqiq qo‘ydimi?
Ayni vaqtda hindistonlik talabalarning O‘zbekistondagi oliy ta’lim muassasalariga qabul qilinishiga cheklovlar qo‘yilgan. Mazkur cheklov nima sababdan, qanday maqsadda qo‘yilgani hozircha noma’lum.
23:41 / 10.09.2026
Редактировать комментарий