Poytaxt maktablarida milliy libos kiyish majburiy etib belgilandi...mi?

Ma’lumki, Toshkent shahrida milliylikni keng targ‘ib qilish maqsadida Poytaxt hokimi Shavkat Umurzoqov 21-yanvar kuni “Toshkent shahrida milliylikni keng targ‘ib qilishga doir qo‘shimcha chora-tadbirlar to‘g‘risida”gi qarorni imzolagandi.

Poytaxt hokimining milliylikni targ‘ib qilish haqidagi qarori ortidan maktablarda o‘qituvchilar hamda o‘quvchilarni milliy libos kiyishga majburlash boshlangan.

Bu haqda “Daryo” nashriga murojaat qilgan ota-onalar, maktab o‘qituvchi va o‘quvchilaridan haftaning har juma kuni milliy nimcha va do‘ppilarda kelish talab qilinayotganini aytgan.

Qizig‘i, Shavkat Umurzoqov qarorida milliy liboslarni kiyish tavsiya etilgan tashkilotlar orasida ta’lim muassasalari nazarda tutilmagan. 

“Maktab va maktabgacha ta’lim vazirligidan holat bo‘yicha izoh kutamiz”, deyiladi “Daryo” nashri bergan xabarda.