O‘qituvchining ish joyi o‘zgarsa, maktabdagi ustamasi saqlanib qoladimi?
Savol
Hozirda direktor jamg‘armasi hisobidan 20 foiz ustama olaman. Yaqinda boshqa maktabga ishga o‘tmoqchiman. Ish joyim o‘zgarsa, 20 foizlik ustama saqlanib qoladimi?
Javob
Vazirlar Mahkamasining 2019-yil 30-sentabrdagi 823-son qarori bilan tasdiqlangan nizomga ko‘ra, pedagog xodimlarga direktor jamg‘armasi hisobidan ustamalar belgilash, umumta’lim muassasasida tuzilgan ishchi guruhlar tomonidan amalga oshiriladi.
Ishchi guruh umumta’lim muassasasining pedagogik kengashi qarori asosida, muassasa direktorining buyrug‘i bilan kamida yetti kishidan iborat toq sonda tuzilib, aynan shu ta’lim muassasasida faoliyat yuritayotgan rahbar va pedagog xodimlari orasidan hamda umumiy o‘rta ta’lim muassasasi kuzatuv kengashi va o‘quvchilarning ota-onalaridan vakillardan iborat bo‘ladi.
Umumta’lim muassasalari pedagog xodimlarining bazaviy tarif stavkalariga direktor jamg‘armasi hisobidan har oylik ustamalar yangi o‘quv yili uchun o‘tgan o‘quv yili yakunlari bo‘yicha belgilanadi.
Pedagog xodimlarga tayinlanadigan ustama u faoliyat yuritayotgan ta’lim muassasasida erishgan natijalaridan kelib chiqib tayinlanganligi, hamda aynan shu ta’lim muassasasi ishchi guruhi tomonidan belgilanganligi bois, pedagog xodim ish joyini o‘zgartirganda tayinlangan ustamalar saqlab qolinmaydi.
Faqat bir holatdagina istisno mavjud
Ta’lim darajasi yuqori bo‘lmagan umumiy o‘rta ta’lim muassasalariga boshqa hududlardan jalb etilgan oliy va birinchi toifaga ega o‘qituvchi-pedagoglarning amalda ishlagan umumta’lim muassasasining direktor jamg‘armasidan belgilangan ustama haq (foiz)lari saqlanadi.
Bunda mazkur ustamalar bir o‘quv yili davomida saqlanadi va keyingi o‘quv yilida ta’lim darajasi yuqori bo‘lmagan umumiy o‘rta ta’lim muassasalarining Ishchi guruhi tomonidan qayta ko‘rib chiqiladi.
Agar pedagog xodimga ta’lim darajasi yuqori bo‘lmagan umumiy o‘rta ta’lim muassasasi ishchi guruhi tomonidan ustama tayinlangan bo‘lib, u boshqa maktabga ishga o‘tayotgan bo‘lsa, bu holatda ham ustamalar saqlab qolinmaydi.
Ya’ni, faqat bir holatdagina — pedagog xodim ta’lim darajasi yuqori bo‘lmagan maktabga ishga o‘tgan taqdirdagina ustamalar bir o‘quv yili uchun saqlanib qoladi.
Asos: Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risidagi nizomning 24-1-bandi.
Izohlar 3
Izoh qoldirish uchun ro'yxatdan o'ting!
Yangiliklar
Maktab darsliklari yangi alifboga o‘tkaziladi: o‘quvchilar imlosini baholashda yengillik berilishi mumkin
Milliy sertifikat: natijalar bugun chiqadi, yangi imtihonga ro‘yxatga olish ertadan boshlanadi
Dars soatlari elektron platforma orqali taqsimlanadi. Pedagoglar bundan nima kutmoqda?
Maktab bitiruvchilari uchun yagona davlat imtihoni joriy qilinishi mumkin
Mavzuga doir yangiliklar
Yangiliklar
Musiqa fani o‘qituvchilariga 20 foizgacha oylik ustama to‘lanadi
Umumiy o‘rta ta’lim maktablarida faoliyat yuritayotgan musiqa fani o‘qituvchilari uchun yangi rag‘batlantirish tartibi joriy etildi. Endilikda ularga o‘quvchilarining cholg‘u asboblarini ijro etish darajasidan kelib chiqib, har oyda 5 foizdan 20 foizgacha ustama to‘lanadi.
Yangiliklar
Maktablarda dars soatlarini taqsimlash va direktor jamg‘armasidan ustama belgilash tartibi avtomatlashtiriladi
Abdulla Avloniy nomidagi Pedagogik mahorat milliy institutida umumta’lim maktablarida dars soatlarini taqsimlash hamda direktor jamg‘armasi faoliyatiga oid me’yoriy hujjatlarni takomillashtirish masalalari muhokama qilindi.
So'ragan edingiz
Ikkita fandan dars beradigan o‘qituvchiga ustama qanday to‘lanadi?
Baholash natijalariga ko‘ra, pedagog 100 ballgacha to‘plashi va to‘plagan ballidan kelib chiqib, unga bazaviy tarif stavkasiga nisbatan 40 foizgacha ustama belgilanishi mumkin.
So'ragan edingiz
Milliy sertifikatga ega o‘qituvchilarga 70 foizlik ustama uchun ball beradimi?
Qo‘shimcha ustama faqat malaka sinovida (ikkala bosqichda) ishtirok etib, oliy va birinchi malaka toifasiga erishgan (yoki saqlagan) pedagoglarga beriladi.
O'zbek
Izohingizni tahrirlang