Oktyabrdan 0.5, 1, 1,5 stavkadagi direktor o‘rinbosari shtat birligi qisqaradimi?

Savol

Bizning maktabda 2,5 stavka ma’naviy-ma’rifiy ishlar bo‘yicha direktor o‘rinbosari shtati bor. Oktyabr oyidan maktab maslahatchisi lavozimi joriy qilinsa, faqat 0,5 stavkadagi direktor o‘rinbosari shtati qisqaradimi yoki maktabda faqat 1 stavka qoldirilib, qolgan 1,5 stavkada ishlayotgan direktor o‘rinbosari shtati ham qisqarib ketadimi?

Javob

Ma’lumki, O‘zbekiston Respublikasi Prezidentining “Maktabdan tashqari ta’lim tizimini yangi bosqichga olib chiqish chora-tadbirlari to‘g‘risida”gi qarori bilan 2025-yil 1-oktyabrdan boshlab umumiy o‘rta ta’lim tashkilotlaridagi ma’naviy-ma’rifiy ishlar bo‘yicha direktor o‘rinbosari lavozimini har bir umumiy o‘rta ta’lim tashkilotiga 1 ta shtat birligida ajratish hisobiga bo‘shaydigan 3 400 ta shtat birliklari hisobiga maktab maslahatchisi lavozimi joriy qilinmoqda.

Ya’ni, 2025-yil 1-oktyabrdan boshlab maktablarda faqat 1 stavkada ishlaydigan o‘rinbosarlar qoladi. Bunda respublikadagi barcha ta’lim muassasalaridagi 1 stavkadan ortiq bo‘lgan (0.5, 1, 1,5 stavkadagilar ham) barcha ma’naviy-ma’rifiy ishlar bo‘yicha direktor o‘rinbosari shtat birligi maqbullashtiriladi.

Endilikda, 2025-yil 1-oktyabrdan boshlab maktablarda sinflar komplektlar soni ortib borgan taqdirda ham ma’naviy-ma’rifiy ishlar bo‘yicha direktor o‘rinbosari shtat birligi ajratilmaydi.