Samarqandlik 8-sinf o‘quvchisi “Yosh kitobxon”da g‘olib bo‘lib, Cobalt avtomobilini qo‘lga kiritdi

Xabaringiz bor, 2023-yilning sentabr-dekabr oylarida mahalla-sektor-tuman-hudud bosqichlari o‘tkazilgan “Yosh kitobxon” tanlovining respublika final bosqichi 2024-yilning 15-23-fevral kunlari o‘tkazilishi reja qilingandi.

15-fevral kuni Toshkent shahridagi Yoshlar ijod saroyida “Yosh kitobxon” tanlovining respublika final bosqichining ochilish marosimi bo‘lib, tanlovning 1-shartiga start berilgandi. 17-fevral kuni  “Yosh kitobxon” tanlovining 10-14 yosh toifasi final bosqichi gʻoliblari aniqlandi.

Yakuniy natijalarga ko‘ra Samarqand viloyati Jomboy tumanidagi 12-umuta’lim maktabi 8-sinf o‘quvchisi Nargiza Muhammadiyeva 5 ta shart bo‘yicha 417,4 ball bilan g‘olib bo‘lib, Prezident sovg‘asi “Cobalt” avtomobilini qo‘lga kiritdi.

Shuningdek, 387 ball bilan ikkinchi o‘rinni egallagan Mansurjonova Eʼzoza Jasur qizi (Namangan viloyati) 50.000.000 so‘m pul mukofoti bilan, 379 ball bilan uchinchi o‘rinni egallagan Sharopova Halima Sherali qizi (Buxoro viloyati) 30.000.000 soʻm pul mukofoti bilan taqdirlandi.

Final bosqichida qatnashgan barcha ishtirokchilar esa 10.000.000 soʻmdan pul mukofoti bilan taqdirlandi.