Maktablarda yangi o‘quv yili 2-sentyabrdan boshlanadi

Respublikamizdagi barcha umumiy o‘rta ta’lim muassasalarida yangi o‘quv yili 2025-yil 2-sentyabrdan boshlanadi. 

Ma’lumki, Vazirlar Mahkamasining 2017-yil 15-martdagi 140-son qarori bilan tasdiqlangan “Umumiy o‘rta ta’lim to‘g‘risida”gi nizomda o‘quv yili 2-sentabrdan boshlanishi nazarda tutilgan.

Shuningdek, yozgi ta’til — oxirgi bosqichli nazorat sinovi o‘tkazilgan kundan boshlab 1-sentabrgacha davom etishi belgilangan.

Demak, joriy yilda umumta’lim maktablarida yangi o‘quv yilining 2-sentyabrda boshlanishiga to‘sqinlik qiluvchi hech qanday sabab mavjud emas. Hozircha Maktabgacha va maktab ta’limi vazirligi hozircha rasmiy axborot bermadi.

Eslatib o‘tamiz, 2024-yilda “1-sentyabr — O‘zbekiston Respublikasi mustaqillik kuni” yakshanba — dam olish kunlariga to‘g‘ri kelib qolganligi munosabati bilan ushbu dam olish kuni Mehnat kodeksining 208-moddasiga muvofiq 2-sentyabrga ko‘chirilgandi.

Shuningdek, 3-sentyabr ham qo‘shimcha dam olish kuni deb belgilanganligi bois, yangi o‘quv yilini 4-sentyabrdan boshlashga to‘g‘ri kelgandi. Demak, joriy yilda yangi o‘quv yili belgilangan muddatda boshlanadi.