O'zbek
O‘qituvchilarni maktab “remontiga” jalb qilgan direktor ishdan bo‘shatilib, unga 41,2 mln so‘m jarima solindi
Joriy yilning 2-avgust kuni ijtimoiy tarmoqlarda “Marhamat tumanidagi 42-umumta’lim maktabida hasharmi?” sarlavhasi ostida xabar tarqaldi.
Muhokamalarga sabab bo‘lgan videotasvirlardagi holat joriy yilning 2-avgust kuni sodir etilgan bo‘lib, unda bir guruh pedagoglar tomonidan hashar jarayonlari amalga oshirilayotganligi aks etgan.
Ma’lum bo‘lishicha, maktab direktori tomonidan o‘qituvchilar dars soatlari kam ajratilishi bilan qo‘rqitilib, ta’mirlash ishlariga majburiy chiqarilgan.
Andijon viloyati maktabgacha va maktab ta’limi boshqarmasining ma’lum qilishicha, maktab jamoasi bilan suhbatda ular tomonidan ushbu hashar ixtiyoriy ravishda amalga oshirilgani ta’kidlansa-da, o‘qituvchilarning o‘z lavozim majburiyatidan tashqari ishlarni bajarish holatini nazoratga olmaganligi sababli maktab direktori Z.M egallab turgan lavozimidan ozod etilgan.
Mazkur holat bo‘yicha Kambag‘allikni qisqartirish va bandlik vazirligi Davlat mehnat inspeksiyasi tomonidan joriy yil 4-avgust kuni o‘rganish o‘tkazilib, holat tasdiqlangan.
Shundan so‘ng, maktab direktori Z.Mamajonovaga Ma’muriy javobgarlik to‘g‘risidagi kodeksning 51-moddasi 2-qismiga asosan bazaviy hisoblash miqdorining 100 baravari miqdorida jarima qo‘llanildi.
Ma’lumot uchun: Marhamat tumani “Yangi hayot” Mahalla fuqarolar yig‘ini o‘ramida joylashgan 42-umumta’lim maktabi 1982-yilda qurilib, 2005-yilda joriy ta’mirlangan.
Maktab 2023-yil “Tashabbusli byudjet” loyihasi asosida 1 milliard 200 millionlik qiymatga ega eshik va romlar bilan ta’mirlangan. 2024-yilgi mavsumda 1 milliard 300 million so‘m mablag‘lar yutib olinib, sport maydoni qurilgan va maktabning old qismi zamonaviy ko‘rinishga keltirilgan.
Hozirda maktabda jami 1 ming 236 nafar o‘quvchilarga 74 nafar malakali pedagoglar ta’lim-tarbiya berib kelmoqda.
Izohlar 8
Izoh qoldirish uchun ro'yxatdan o'ting!
Yangiliklar
Toshkent shahrida 3 yildan buyon maktabga bormay, diniy ta’lim olayotgan o‘quvchi aniqlandi
Endilikda har yili o‘qituvchi va o‘quvchilarga sanatoriyaga 12 kunlik yo‘llanma beriladi
4 198 nafar o‘qituvchiga 70 foizlik ustama beriladigan bo‘ldi
Maktabgacha va maktab ta’limi vaziri lavozimiga yangi rahbar tayinlandi
Mavzuga doir yangiliklar
Maqola
“Barcha maktab direktorlarini yangilab chiqsangiz ham, o‘qituvchilar maktabni ta’mirlayveradi” — maktab ta’miri mavzusi
Andijonning Marhamat tumanidagi maktab direktori o‘qituvchilarni maktab ta’miriga jalb qilganligi ortidan ishdan bo‘shatilib, unga nisbatan 41,2 mln so‘m miqdorda jarima qo‘llanilganligi jamoatchilik faollarining turli xil e’tirozlariga sabab bo‘lmoqda.
Yangiliklar
O‘qituvchilar vazirlikni 6 marta sudga bergani ma’lum bo‘ldi
2025-yil aprel-may oylaridagi attestatsiya imtihoni bo‘yicha vazirlik jami 6 marta sudga berilgan bo‘lib, 1 ta sud ishida vazirlik yutqazgani, 4 tasida esa yutib chiqqani ma’lum bo‘ldi.
Yangiliklar
Maktab yerini sotmoqchi bo‘lgan tuman hokimi qo‘lga olindi
Jizzax viloyati Sharof Rashidov tumani hokimi Mahmud Xolbo‘tayev maktab uchun ajratilgan yerga ko‘p qavatli uy qurilishiga ruxsat berish evaziga tadbirkordan 10 ming AQSh dollari pora olayotganda DXX xodimlari tomonidan qo‘lga olindi.
Yangiliklar
Bir guruh o‘qituvchilar vazirlikni sudga berdi
Bir guruh o‘qituvchilar tomonidan Maktabgacha va maktab ta’limi vazirligiga attestatsiya imtihonlarini qayta o‘tkazish majburiyatini yuklash, ma’naviy ziyon va vakil xarajatlarini undirish yuzasidan sudga da’vo arizasi kiritildi.
Izohingizni tahrirlang