Endi abituriyentlarga oliygohga kirish muammo bo‘lmaydi

Ayni vaqtda O‘zbekiston Respublikasi Prezidenti Shavkat Mirziyoyev raisligida oliy ta’lim muassasalari bitiruvchilarining bandligini ta’minlash masalalari yuzasidan kengaytirilgan yig‘ilish bo‘lib o‘tmoqda.

Unda prezident yoshlarni oliy ta’limga jalb qilish bo‘yicha yangi tashabbusni ilgari surdi.

“Biz abituriyentlarga 5 ta oliygohni tanlash imkonini berdik. Bu – oliy ta’limda katta sakrash, desak adolatdan bo‘ladi. Buni yanada kengaytiramiz”, - dedi Shavkat Mirziyoyev.

Endilikda abituriyentlar 5 ta oliygohdan birortasiga kirolmagan bo‘lsa, lekin to‘plagan balli boshqa oliygohdagi to‘lmagan yo‘nalishga to‘g‘ri kelsa, shu oliygoh rektori ularni kontrakt asosida qabul qilishi mumkin bo‘ladi.

Bu davlat va xususiy oliygohlar o‘rtasida raqobatning rivojlanishiga xizmat qilishi ta’kidlandi.

Bu nimani anglatadi?

Abituriyent faqat o‘z tanlagan 5 ta OTM bilan cheklanib qolmaydi. Boshqa oliygohlar ham unga eshik ochishi mumkin.

Yig‘ilgan balli bekorga ketmaydi. Agar abituriyentning yiqqan balli biror oliygoh uchun yetarli bo‘lsa, o‘qish imkoniyati mavjud bo‘ladi.