Kimlar yilning eng yaxshi o‘zbek tili o‘qituvchisi ekanligi aniq bo‘ldi

Kecha, 22-oktabr kuni Maktabgacha va maktab ta’limi vazirligi tomonidan tashkil etilgan “Yilning eng yaxshi o‘zbek tili o‘qituvchisi” respublika tanlovi g‘oliblarini taqdirlash marosimi bo‘lib o‘tdi.

Unda vazir o‘rinbosari Farhod Boqiyev, mas’ullar va pedagoglar qatnashdi va yakuniy natijalar e’lon qilindi.

Bunda, o‘zbek tili yo‘nalishida:

1-o‘rinni — Namangan viloyati Uychi tumani 6-maktab o‘qituvchisi Abdulazizova Adibaxon;

2-o‘rinni — Andijon viloyati, Ulug‘nor tumani, 5-maktab o‘qituvchisi Murodullayeva Xurshidaxon;

3-o‘rinni — Samarqand viloyati, Samarqand shahar 81-maktab Altibayeva Shaxnoza qo‘lga kiritdi.

Ona tili yo‘nalishida:

1-o‘rinni — Namangan viloyati Uchqo‘rg‘on tumani, 37-maktab o‘qituvchisi O‘ktamov Nuriddin;

2-o‘rinni — Farg‘ona viloyati, Qo‘qon shahar, 32-maktab o‘qituvchisi Xo‘jayeva Feruza;

2-o‘rinni — Qoraqalpog‘iston Respublikasi Amudaryo tumani 47-maktab o‘qituvchisi Yusupova Iqdol egalladi. 

Ma’lumot o‘rnida: respublika bosqichi yakunlariga ko‘ra: 

1-o‘rin g‘oliblari “Yilning eng yaxshi o‘zbek tili o‘qituvchisi” 1 darajali diplom va 20 mln. so‘m pul mukofoti;

2-o‘rin g‘oliblari “Yilning eng yaxshi o‘zbek tili o‘qituvchisi” II darajali diplom, monoblok;

3-o‘rin g‘oliblari “Yilning eng yaxshi o‘zbek tili o‘qituvchisi” III darajali diplom, noutbuk bilan taqdirlandi.