O'zbek
Oliy toifali o‘qituvchi 23 soat, 1-toifali o‘qituvchi 16 soat: dars taqsimoti qonuniymi?
Savol
Men oliy toifali matematika fani o‘qituvchisiman. Bizning maktabda 62 soat dars mavjud. Maktabimizda 3 ta o‘qituvchi bor. Ikki nafari oliy toifali, xalqaro va milliy sertifikatlari bor, ikkalasida ham. 3-o‘qituvchi faqat umrbod 1-toifali o‘qituvchi.
Dars taqsimotida 1-o‘qituvchiga 23 soat, 2-o‘qituvchiga 23 soat, 3-o‘qituvchiga 16 soat taqsimlandi. Bundan 3-o‘qituvchi norozi va 20 soat dars berasizlar deb talab qilayabdi. Shu to‘g‘rimi?
Javob
Pedagoglarga darslarni taqsimlash “Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risidagi” nizomning (ro‘yxat raqami 3271, 2020-yil 30-iyun) 15-bandida nazarda tutilgan ustuvor ketma-ketlik asosida taqsimlanadi.
Mazkur ko‘rsatkichlar ketma-ketligi asosida ustunlikka ega bo‘lgan o‘qituvchilarga dars soatlarining maksimal miqdorlari belgilanishi tavsiya etiladi. Mazkur nizomning 16-bandiga ko‘ra aynan bir xil koʻrsatkichlar mavjud boʻlgan bir nechta oʻqituvchilar oʻrtasida dars soatlari teng taqsimlanadi.
Bunda maksimal dars soati olish imkoniyatiga ega boʻlgan oʻqituvchining yozma roziligi bilan unga ajratilishi mumkin boʻlgan dars soatlari boshqa oʻqituvchilarga berilishi mumkin.
Yuqoridagi vaziyatda ikki nafar pedagog oliy toifali hamda xalqaro va milliy sertifikatga ega ekanligi, ular ustuvor koʻrsatkichlarning bir nechtasiga ega boʻlganligi bois, mazkur koʻrsatkichlarning eng ustuvori (oliy malaka toifa)ni inobatga olga.n holda ular o‘rtasida mavjud dars 23 soatdan teng taqsimlanib, to‘g‘ri yo‘l tutilgan.
Bunda birinchi malaka toifaga ega bo‘lgan pedagogga 20 soat dars berilishi uchun ikki nafar oliy toifaga ega bo‘lgan pedagoglarning yozma roziligi olinishi kerak bo‘ladi.
Demak, mazkur holatda dars soatlarining 23–23–16 ko‘rinishida taqsimlanishi amaldagi tartibga zid emas. 3-o‘qituvchiga 20 soat dars berilishi esa ikki nafar oliy toifali o‘qituvchining yozma roziligi asosidagina amalga oshirilishi mumkin. Shunday ekan, 3-o‘qituvchining “menga albatta 20 soat berilishi kerak” degan talabi huquqiy jihatdan asosli emas.
Izohlar 3
Izoh qoldirish uchun ro'yxatdan o'ting!
Yangiliklar
O‘qituvchilar attestatsiyasini o‘tkazuvchi markaz boshqa tashkilotga qo‘shib yuborildi
Ta’lim va ilm-fan vaziriga o‘rinbosarlar tayinlandi
Buvayda tumanida 400 o‘quvchiga mo‘ljallangan fan olimpiadalari markazi qurildi
Xususiy maktab va universitetlarda ichki ishlar inspektorlari faoliyati yo‘lga qo‘yiladi
Mavzuga doir yangiliklar
So'ragan edingiz
Maktabdagi dars soatlari qonuniy va adolatli taqsimlanganmi?
Biz, 1-toifali ikki nafar yosh o‘qituvchi, ko‘proq dars soati olishni so‘rashimiz mumkinmi? Shuningdek, ikkovimizda ona tili fanidan milliy sertifikat ham mavjud. Direktorimiz esa boshlang‘ich sinf o‘qituvchilarining ona tili fanidan olgan milliy sertifikati dars soatlarini taqsimlashda hech qanday ta’sir qilmasligini va uni inobatga olmasligini aytmoqda.
So'ragan edingiz
O‘qituvchi bir nechta ko‘rsatkichga ega bo‘lsa, ko‘proq dars oladimi?
Dars taqsimotida milliy yoki xalqaro tan olingan sertifikat birinchi va ikkinchi malaka toifasiga nisbatan yuqori ko‘rsatkich hisoblanadi. Bunda o‘qituvchi belgilangan ko‘rsatkichlarning bir nechtasiga ega bo‘lganda, ko‘rsatkichlarning eng ustuvorini inobatga olgan holda dars soatlari taqsimlanadi.
So'ragan edingiz
Pensiyaoldi yoshidagi, o‘rta-maxsus ma’lumotli pedagogni ishdan bo‘shatish to‘g‘rimi?
Maktabgacha va maktab ta’limi vazirning 2025-yil 23-oktabrdagi 398-sonli buyrug‘i bilan sinf rahbarlariga qo‘yilgan oliy pedagogik ma’lumotga ega bo‘lish talabi butunlay bekor qilingan.
So'ragan edingiz
“Psixologiya va pedagogika” yo‘nalishida o‘qiyotgan talabalar “Tarbiya” fanidan dars berishi mumkinmi?
Vazirlar Mahkamasining 2020-yil 6-iyundagi 422-son qaroriga ko‘ra, “Psixologiya va pedagogika” ta’lim yo‘nalishi bitiruvchilariga umumiy o‘rta ta’lim maktablarida “Tarbiya” fanini o‘qitish huquqi berilgan.
Izohingizni tahrirlang