Profi University Navoiy filialida o‘quvchilar o‘rtasida Аl-Xorazmiy nomidagi olimpiadaning hududiy bosqichi bo‘ldi

15:30 / 28.02.2024 2.51k

Joriy yil 27-fevral kuni Profi University Navoiy filialida 7-8 sinf o‘quvchilari o‘rtasida Аl-Xorazmiy nomidagi aniq va tabiiy fanlar olimpiadasining hududiy bosqichi bo‘lib o‘tdi.

Unda 7-8-sinf o‘quvchilari matematika fanidan Navoiy viloyati bo‘yicha shahar va tuman bosqichlarida 1-, 2-, 3-o‘rinni qo‘lga kiritgan 78 nafar o‘quvchilar o‘z bilimlarini sinovdan o‘tkazdi.

O‘zbekistonda 2-marta tashkil qilinishi kutilayotgan ushbu xalqaro olimpiada natijalariga ko‘ra joriy yil iyul oyida Hindistonda o‘tkazilishi rejalashtirilayotgan Xalqaro matematika musoboqasida (IMC-2024) ishtirok etuvchi O‘zbekiston jamoasiga nomzodlar shakllantiriladi.

Fotogalereya bilan tarnishing

Ma’lumot uchun, hozirda maktab ta’limi va oliygoh hamkorligi doirasida Navoiy viloyati Maktabgacha va maktab ta’limi boshqarmasi hamda Profi University Navoiy filiali o‘rtasida memorandum ham imzolangan.

Memorandum doirasida Profi University talabalarini maktablarda amaliyot o‘tashi, turli xil mavzularda o‘quv seminarlari tashkil qilish, maktab o‘qituvchilari uchun malaka oshirish kurslarini tashkil etish reja qilingan.