O'zbek
Bosh vazir 15 yillik ish stajiga ega bo‘lgan oliy toifali o‘qituvchilar haqida qanday ko‘rsatma bergandi?
13:00 / 28.04.2024
12.48k
Yaqinda bosh vazir Abdulla Aripov tomonidan imzolangan hujjatda 15 yillik ish stajiga ega bo‘lgan oliy toifali o‘qituvchilar haqida ham so‘z borgandi. Ammo hujjatning mazmuni turlicha talqin qilinmoqda.
Hujjatda quyidagi ko‘rsatma berilgandi:
Vazirlar Mahkamasining 2022-yil 2-avgustdagi 425-son qarori bilan belgilangan, oliy malaka toifa (bosh o‘qituvchi lavozimi)ga ega bo‘lganidan so‘ng oliy malaka toifani 15 yil davomida saqlab kelgan va uzluksiz ish stajiga ega bo‘lgan pedagog kadrlar navbatdagi majburiy attestatsiyaga jalb etilmaslik tartibi 2022-yil 2-avgustga qadar 15 yillik uzluksiz ish stajiga hamda oliy malaka toifaga ega (bunda oliy toifaga ega bo‘lganlik davri muhim emas) bo‘lgan pedagoglarga nisbatan tatbiq etilmaydi.
Xo‘sh, bosh vazir imzolagan hujjatda o‘zi nima nazarda tutilgandi?
Xabaringiz bor, 2021-yil 17-sentyabrda Vazirlar Mahkamasining 572-son qarori bilan pedagog kadrlarni attestatsiyadan o‘tkazish tartibi to‘g‘risida nizom tasdiqlandi. Ana o‘shanda nizomning 6-band, 2-xatboshida ta’lim tashkilotlarida 15 yillik uzluksiz ish stajiga ega bo‘lgan oliy malaka toifali o‘qituvchilar umrbod attestatsiyaga jalb qilinmasligi belgilandi.
Ammo 2022-yil 2-avgustda Vazirlar Mahkamasining 425-son qarori bilan 15 yillik uzluksiz ish stajiga ega bo‘lganlar emas, balki oliy malaka toifani 15 yil davomida saqlab kelgan va uzluksiz ish stajiga ega bo‘lgan pedagog kadrlargina navbatdagi majburiy attestatsiyaga jalb etilmasligi belgilandi.
Shundan so‘ng ko‘pchilik 2022-yil 2-avgustga qadar 15 yillik ish stajiga ega bo‘lgan oliy toifali o‘qituvchilar endi nima qiladi degan savollar bera boshladi.
Mazkur so‘rovlarga javoban (sobiq) Xalq ta’limi vazirligi alohida xat chiqarib, normativ-huquqiy hujjatlar orqaga qaytish kuchiga ega emasligi, shu sababli 2022-yilning 2-avgustiga qadar 15 yil uzluksiz ish stajiga ega bo‘lgan hamda oliy toifaga ega (bunda oliy toifa ega bo‘lganlik davri muhim emas) bo‘lgan pedagoglarga nisbatan tatbiq etilmasligini ma’lum qilgan.
Bosh vazir Abdulla Aripov tomonidan imzolangan hujjatda ham mana shu qoida yana bir bor eslatib o‘tilgan xolos. Ya’ni, hech narsa o‘zgarmagan. Hujjatda 2022-yilning 2-avgustiga qadar 15 yillik uzluksiz ish stajiga ega bo‘lgan oliy malaka toifali o‘qituvchilarga nisbatan yangi qoidalar tadbiq qilinmasligi eslatilgan.
Yanada tushunarliroq qilib aytadigan bo‘lsak, 2022-yilning 2-avgustiga qadar 15 yillik uzluksiz ish stajiga ega bo‘lgan oliy malaka toifali o‘qituvchilar oliy malaka toifani 15 yil davomida saqlagan bo‘lishi shart emas.
2022-yil 2-avgustga qadar 15 yillik ish stajiga ega bo‘lgan oliy toifali o‘qituvchilar attestatsiyaga jalb qilish qonunga zid
O‘zbekiston Respublikasining “Normativ-huquqiy hujjatlar to‘g‘risida”gi Qonuni 41-moddasiga ko‘ra normativ-huquqiy hujjatlar orqaga qaytish kuchiga ega emas va ular amalga kiritilganidan keyin yuzaga kelgan ijtimoiy munosabatlarga nisbatan qo‘llaniladi.
Shu sababli, 2022-yil 2-avgustga qadar 15 yillik ish stajiga ega bo‘lgan oliy toifali o‘qituvchilarni attestatsiyaga jalb qilish qonunga ziddir.
Bu chigal masalaga vazirlik yechim berishi mumkin
Bizningcha, Maktabgacha va maktab ta’limi vazirligi Kambag‘allikni qisqartirish va bandlik vazirligi bilan hamkorlikda 2022-yil 2-avgustga qadar 15 yillik ish stajiga ega bo‘lgan oliy toifali o‘qituvchilarning yillik ish stajini qonunchilikda belgilangan tartibda hisoblab chiqib, ular orasidan shu toifaga kiradigan pedagoglar ro‘yxatini shakllantirib, birgina buyruq orqali ushbu o‘qituvchilarning malaka toifasi umrbod saqlanib qolinganligi hamda ularga oliy malaka toifa bo‘yicha haq to‘lab borish yuzasidan buyruq chiqarish lozim.
Hozirgi kunda umumiy o‘rta ta’lim muassasalarida jami 53 ming 914 nafar oliy toifaga ega bo‘lgan o‘qituvchilar faoliyat yuritib kelmoqda. Ularning ma’lum bir qismini esa 2022-yilning 2-avgustiga qadar 15 yil uzluksiz ish stajiga ega bo‘lgan oliy toifali o‘qituvchilarni tashkil etadi.
Maktabgacha va maktab ta’limi vazirligi esa ana shu pedagoglar ro‘yxatini shakllantirib olishi zarur. Lekin vazirlik haligacha bu masalaga nuqta qo‘ymayapti. Vazirlik aynan nimani kutayotgani esa bizga qorong‘u.
Maktabgacha va maktab ta’limi vazirligi esa ana shu pedagoglar ro‘yxatini shakllantirib olishi zarur. Lekin vazirlik haligacha bu masalaga nuqta qo‘ymayapti. Vazirlik aynan nimani kutayotgani esa bizga qorong‘u.
Izohlar 2
Izoh qoldirish uchun ro'yxatdan o'ting!
Yangiliklar
20:00 / 13.04.2026
Vazir E’zoza Karimova va uning xodimlari oqqon va saratonga chalingan bolalar chizgan rasmlarni yuqori narxda sotib oldi
17:00 / 11.04.2026
20-iyundan 1-sinfga qabul jarayonlari boshlanadi
13:00 / 09.04.2026
8 oydan buyon maktabga bormagan o‘quvchilar diniy ta’lim olayotgani ma’lum bo‘ldi
17:20 / 08.04.2026
Vazirlik ixtisoslashtirilgan maktab direktori o‘rinbosarlariga menejerlik sertifikati uchun ustama to‘lash bo‘yicha ko‘rsatma berdi
Mavzuga doir yangiliklar
So'ragan edingiz
Attestatsiya vaqtida kompyuter ishlamay qolsa nima qilish kerak?
Malaka sinovlarini o‘tkazish jarayonida tashkiliy-texnik jihatdan kamchiliklar mavjudligi aniqlansa, test sinovlarining qaytadan topshirilishini tashkil etilishi lozim.
11:59 / 01.05.2025
Yangiliklar
Attestatsiya test sinovlari o‘tkaziladigan sanalar va manzillar belgilandi
Maktabgacha, umumiy o‘rta va maktabdan tashqari ta’lim muassasalari pedagoglari uchun joriy yilning yanvar-iyun oylarida o‘tkaziladigan malaka (test) sinovlari sanalari belgilandi.
15:02 / 27.03.2026
Yangiliklar
“Navbatdan tashqari attestatsiyada qatnashgan pedagoglar ishdan olinadi” — pedagoglarga bosim o‘tkazilmoqda
Navbatdan tashqari attestatsiyaga ariza topshirgan pedagoglarga (asosan bog‘cha tarbiyachilariga) arizasini qaytarib olish, arizasini qaytarib olmaganlar yoki malaka toifa test sinovlarida ishtirok etib, yetarli ball to‘play olmaganlar bilan mehnat shartnomasi bekor qilinishi haqida topshiriq va ko‘rsatmalar berilib, ularga turli xil bosim o‘tkazish holati aks etgan xabarlar tarqalmoqda.
13:50 / 17.03.2026
Attestatsiya
Vazirlik attestatsiya testlarini pullayaptimi?
Tahririyatga murojaat yo‘llagan pedagoglardan birining aytishicha, o‘tgan yildan buyon alohida sinov.uz platformasi faoliyati yo‘lga qo‘yilib, har bir fandan test ishlash uchun alohida narxlar belgilab qo‘yilgan.
11:34 / 06.03.2026
Izohingizni tahrirlang