Milliy sertifikat masalasida yangilik kutilmoqda

18:00 / 06.05.2024 28.55k

Xabaringiz bor, Vazirlar Mahkamasining 2024-yil 10-yanvardagi 17-son qarori bilan endilikda milliy sertifikat uchun natijalarini hisoblashda Rash modeliga o‘tildi. Unga ko‘ra:

70 balldan yuqori ball olgan talabgorga A+ daraja;
65 — 69,9 ball olgan talabgorga A daraja;
60 — 64,9 ball olgan talabgorga B+ daraja;
55 — 59,9 ball olgan talabgorga B daraja;
50 — 54,9 ball olgan talabgorga C+ daraja;
46 — 49,9 ball olgan talabgorga C darajali sertifikat beriladigan bo‘ldi.

Shu sababli, milliy sertifikatga ustama olish uchun pedagoglar necha ball yig‘ishi kerakligi ochiq qolayotgandi.

Chunki, Maktabgacha va maktab ta’limi vazirligi hamda Iqtisodiyot va moliya vazirligi tomonidan imzolangan hujjat Vazirlar Mahkamasining 2024-yil 10-yanvardagi 17-son qaroriga muvofiqlashtirilmagandi.

Xalqtaliminfo.uz manbasiga ko‘ra ayni vaqtda qonun hujjatlariga o‘zgarish kiritish haqidagi loyiha ishlab chiqilib, Adliya vazirligiga kiritilgan va tasdiqlanishi kutilmoqda. Hujjat loyihasida esa pedagoglar foydasiga xizmat qiluvchi normalar mavjud.

Bu masala bo‘yicha ertaga, 7-may kuni soat 11:00 da Maktabgacha va maktab ta’limi vazirligi tomonidan xalqaro tan olingan va milliy baholash tizimidagi sertifikatlarga ustama berish tartibiga bag‘ishlangan jonli muloqotda yanada batafsil ma’lumot beriladi.