O'zbek
Endi 16 yoshgacha bo‘lgan bolalar ijtimoiy tarmoqlardan foydalana olmaydi — Avstraliya
Avstraliya 16 yoshgacha bo‘lgan shaxslarning ijtimoiy tarmoqlardan foydalanishini taqiqlagan dunyodagi birinchi davlat bo‘ldi.
Avstraliya parlamenti 16 yoshgacha bo‘lgan voyaga yetmaganlarga ijtimoiy tarmoqlardan foydalanishni taqiqlovchi qonunni qabul qildi.
CNN telekanaliga ma’lum qilishicha, Senat bir necha oy davom etgan qizg‘in muhokamalardan so‘ng qonunni ma’qulladi.
Yangi qonunga ko‘ra, texnologiya kompaniyalari voyaga etmagan foydalanuvchilarning ijtimoiy tarmoqlarga kirishini oldini olish uchun “oqilona choralar” ko‘rishlari kerak. Aks holda, ular deyarli 50 million Avstraliya dollari (32 million AQSh dollari) miqdorida jarimaga tortiladi.
Taqiq Snapchat, TikTok, Facebook, Instagram, Reddit va X (sobiq Twitter)ga ta’sir qilishi kutilmoqda, ammo ro‘yxat kengaytirilishi mumkin. So‘rovnomalar ko‘rsatishicha, avstraliyaliklarning 77 foizi 16 yoshgacha bo‘lgan bolalar uchun ijtimoiy tarmoqlarga kirish bo‘yicha taqiqni qo‘llab-quvvatlaydi.
Qonun qabul qilingandan so‘ng, hukumat yakuniy sanani belgilashdan oldin maslahatlashuvlar o‘tkazishi kutilmoqda. Ota-onalar va bolalar taqiqni buzganliklari uchun jazolanmaydi.
Ammo kompaniyalar jarimaga tortilmasligi uchun voyaga etmagan foydalanuvchilarning ijtimoiy tarmoqqa kirishini oldini olish uchun oqilona choralar ko‘rganligini isbotlashlari kerak bo‘ladi.
Eslatib o‘tamiz, avvalroq Avstraliya bosh vaziri Entoni Albanese hukumat 14−16 yoshgacha bo‘lgan bolalarning Instagram va TikTok’dan foydalanishini taqiqlash masalasini ko‘rib chiqayotganini aytgandi.
“Men bolalar o‘z gadjetlaridan uzoqlashib, futbol maydonlari, basseynlar va tennis kortlariga chiqishlarini istayman. Biz ularning haqiqiy odamlar bilan haqiqiy tajribaga ega bo‘lishlarini istaymiz”, — degandi Albanese.
Hozirda Avstraliya ijtimoiy tarmoqlarda yosh chegarasini joriy etgan dunyodagi ilk davlatlardan biri bo‘lib turibdi. Avvalroq Yevropa Ittifoqining bu boradagi urinishlari voyaga yetmaganlar huquqlarini cheklashga doir shikoyatlar tufayli muvaffaqiyatsizlikka uchragandi.
Izohlar 0
Izoh qoldirish uchun ro'yxatdan o'ting!
Yangiliklar
Ta’lim muassasalari yong‘in xavfsizligi uchun budjetdan qachon pul ajratiladi?
Yangi yildan maktab va bog‘chalarni qurish xarajatlari hududlarning o‘zida hal bo‘ladi
Yangi o‘quv yilidan huquqshunoslarga ham maktabda dars o‘tishga ruxsat beriladi
Vazir, jurnalist va deputatlar maktablarda dars o‘tmoqda
Mavzuga doir yangiliklar
Maqola
O‘zbekiston maktablarida mobil telefonlardan foydalanish 13 yil avvalgi norma bilan tartibga solinmoqda
O‘zbekiston Hukumati ta’lim muassasalarida mobil telefondan foydalanishning yangi tartibini joriy qilish bo‘yicha yangi taqiqlar joriy etishni o‘ylab ko‘rganicha yo‘q.
Xorij ta'limi
Bolalarga ijtimoiy tarmoqlardan foydalanish butunlay taqiqlandi — Avstraliya
Dunyoda birinchi bo‘lib Avstraliyada 16 yoshgacha bo‘lgan bolalarga ijtimoiy tarmoqlardan foydalanish rasman taqiqlanadi.
Yangi Zelandiya
Yangi Zelandiya ham bolalarga ijtimoiy tarmoqlarni taqiqlamoqchi
Mamlakat parlamenti o‘smirlar uchun ijtimoiy tarmoqlardan foydalanishni cheklovchi qonun loyihasini ko‘rib chiqmoqchi.
Tojikiston
Tojikiston ham bolalarga ijtimoiy tarmoqlarni taqiqlamoqchi
Tojikiston parlamenti deputati Dilnoza Ahmadzoda 14 yoshgacha bo‘lgan bolalarga ijtimoiy tarmoqlardan foydalanishni butunlay taqiqlashni, o‘smirlar foydalanishini esa qat’iy nazorat ostiga olishni taklif qildi.
Izohingizni tahrirlang