Kuzgi attestatsiyada 240 mingdan ortiq oʻqituvchi ishtirok etadi
26-oktabrdan respublika boʻylab pedagog kadrlarning malaka test sinovlari boshlandi. Vazirlar Mahkamasining 2021-yil 17-sentabrdagi 572-son qaroriga asosan oʻtkazilayotgan sinovlar 28-noyabrga qadar davom etadi. Unda Taʼlim va ilm-fan vazirligi tizimidagi maktabgacha, umumiy oʻrta va maktabdan tashqari taʼlim tashkilotlari pedagoglari qatnashadi.
Pedagoglarning asosiy qismi navbatdan tashqari attestatsiyada qatnashadi
Taʼlim va ilm-fan vazirligining xalqtaliminfo.uz'ga ma’lum qilishicha, bu yil sinovlarda qatnashish istagini bildirgan pedagoglardan 302 ming 422 ta murojaat kelib tushgan.
Ulardan 16 ming 604 tasi, yaʼni 5,5 foizi navbatdagi majburiy attestatsiyaga, qolgan 285 mingdan ortigʻi esa navbatdan tashqari attestatsiyaga tegishli. Murojaatlar oʻrganib chiqilgach, 240 ming nafardan ortiq pedagogning sinovda ishtirok etishi belgilangan.
Ularning pedagog.uzedu.uz platformasidagi shaxsiy kabinetlariga sinov sanasi va manzili haqida xabarnoma yuborilgan. Hududlar kesimida sinov jadvallari tuzilib, ishtirokchilar guruhlarga taqsimlandi.
Test sinovlari Qoraqalpogʻiston Respublikasi, viloyatlar va Toshkent shahridagi 13 ta maxsus jihozlangan markazda boʻlib oʻtmoqda. Ularda jami 2 526 ta kompyuter ishchi holatda, test jarayoni real vaqt rejimida o‘tkzailmoqda. Barcha auditoriyalar videokuzatuv vositalariga ulangan bo‘lib, cams.uzedu.uz orqali jarayonni onlayn kuzatish mumkin.
Ishtirokchining shaxsi yuzni tanish tizimi orqali aniqlanadi, natijalar esa blokcheyn texnologiyasi yordamida saqlanadi. Bu natijalarni keyinchalik oʻzgartirish imkonini yoʻqqa chiqaradi va jarayonga inson omili aralashuvining oldini oladi.
Vazirlikning ta’kidlashicha, asosiy sinovlardan oldin aprobatsiya jarayonlari ham oʻtkazilgan. Unda 1 992 nafar pedagog qatnashdi. Aprobatsiya davomida test topshiriqlari bilan birga tashkiliy va texnik jarayonlar ham sinab koʻrilib, aniqlangan kamchiliklar bartaraf etilmoqda.
Test sinovi jaraonlari qanday oʻtadi?
Attestatsiya 46 ta fan yoʻnalishini qamrab oladi va ikki bosqichdan iborat. Birinchi bosqichda pedagogning mutaxassislik fani va kasb standarti boʻyicha bilimi tekshiriladi. Bunda bilish, qoʻllash va mulohaza yuritish koʻnikmalari baholanadi. Ishtirokchiga mutaxassislik fanidan 35 ta, kasb standartidan 5 ta test savoli beriladi.
Ikkinchi bosqichda pedagogik mahorat baholanadi. Buning uchun 10 ta savol-topshiriq tayyorlangan.
Musiqa madaniyati va jismoniy tarbiya oʻqituvchilarining birinchi bosqich sinovlari 30–31-oktabr kunlari Taʼlim va ilm-fan vazirligi tomonidan oʻtkaziladi.
Ikkinchi bosqichni esa Madaniyat va Sport vazirliklari tomonidan belgilagan muddatlarda tashkil etadi. Bunda pedagoglarning yakuniy natijasi ham ikki bosqich yakunlariga qarab eʼlon qilinadi. Ular uchun mutaxassislik fanidan 35 ta, kasbiy standart bo‘yicha 5 ta, jami 40 ta test topshirig‘i beriladi va har bir to‘g‘ri javob 1 ball bilan baholanadi.
Madaniyat vazirligi va Oʻzbekiston Badiiy akademiyasi tizimidagi taʼlim muassasalari pedagoglari 25-noyabr kuni sinovdan oʻtadi. Koʻzi ojiz pedagoglar uchun maxsus test savollari ishlab chiqilgan, ular uchun alohida sinov kunlari belgilangan.
Attestatsiya jarayoni yakunlangach, natijalar va elektron sertifikatlar pedagoglarning shaxsiy kabinetlariga yuboriladi.
Comments 0
Please register to comment!
News
Maktab darsliklari yangi alifboga o‘tkaziladi: o‘quvchilar imlosini baholashda yengillik berilishi mumkin
Xalqaro olimpiada g‘oliblariga 17 mlrd so‘mdan ortiq mukofot puli topshirildi
Milliy sertifikat: natijalar bugun chiqadi, yangi imtihonga ro‘yxatga olish ertadan boshlanadi
Dars soatlari elektron platforma orqali taqsimlanadi. Pedagoglar bundan nima kutmoqda?
News on the topic
News
Matematika va fizika o‘qituvchilari attestatsiya testlaridan norozi
2026-yilgi kuzgi attestatsiya sinovlarida matematika va fizika fanlari bo‘yicha berilgan test topshiriqlarining murakkabligi, ularni bajarish uchun ajratilgan vaqt hamda o‘qituvchilar to‘playotgan ballar ijtimoiy tarmoqlarda muhokamalarga sabab bo‘lmoqda.
Вы спрашивали
Attestatsiya vaqtida kompyuter ishlamay qolsa nima qilish kerak?
Attestatsiya jarayonida test topshirayotgan paytimda kompyuter ishlamay qolsa yoki texnik nosozlik sababli testni davom ettira olmasam, bu holatda testni qayta topshirishim mumkinmi?
Вы спрашивали
Will they give points for a 70% bonus to teachers with national certificates?
The additional bonus is paid only to teachers who participated in the qualification examination (at both stages) and achieved (or retained) the highest and first qualification categories.
Вы спрашивали
Haj safari sababli attestatsiyada qatnasha olmagan o‘qituvchilar uchun imkoniyat beriladimi?
Uzrli sabablarga ko‘ra malaka (test) sinovlarida ishtirok eta olmagan pedagoglar uchun test sinovlari bo‘lib o‘tadigan kunlar Ta’lim va ilm-fan vazirligi tomonidan e’lon qilinadi.
English
Edit your comment