Ta’lim vaziri o‘rinbosarlari soni 5 nafarga yetdi

Maktabgacha va maktab ta’limi vazirining pedagogik ta’limni rivojlantirish masalalari bo‘yicha o‘rinbosari lavozimi joriy etildi. U bir vaqtning o‘zida qayta tashkil etilayotgan Nizomiy nomidagi O‘zbekiston milliy pedagogika universiteti rektori vazifasini ham bajaradi.
Bu haqda O‘zbekiston Respublikasi Prezidentining “Pedagog kadrlar tayyorlash tizimini yanada takomillashtirish chora-tadbirlari to‘g‘risida”gi Farmonda nazarda tutilgan.
Ushbu lavozim respublikada pedagog kadrlar tayyorlash tizimini yagona yondashuv asosida yangi sifat bosqichiga olib chiqish maqsadida tashkil etildi.
Universitet pedagog kadrlar tayyorlash bo‘yicha yetakchi oliy ta’lim tashkiloti sifatida ta’lim dasturlarini xalqaro tajriba asosida transformatsiya qilish jarayonlarini muvofiqlashtiradi.
Shuningdek, respublikadagi jami 13 ta pedagogika oliy ta’lim tashkilotlari Maktabgacha va maktab ta’limi vazirligi tizimiga o‘tkazilmoqda.
Hozirgi kunda Nizomiy nomidagi Toshkent davlat pedagogika universiteti rektori Qirg‘izboyev Abdug‘affor Karimjonovich hisoblanadi.
Universitet qayta tashkil etilgach, Nizomiy nomidagi O‘zbekiston Milliy pedagogika universiteti rektori — pedagogik ta’limni rivojlantirish masalalari bo‘yicha vazir o‘rinbosari lavozimiga yangi nomzod tayinlanadimi, yo‘qmi, hozircha noma’lum.
Ma’lumot uchun: Hozirda Maktabgacha va maktab ta’limi vazirining bir nafar birinchi o‘rinbosari (Karimov Sherzod Abdurasulovich) hamda 3 nafar (Komilov Temurjon Kalandarovich, Boqiyev Farxod Esanovich, Radjabov Sardor Baxtiyorovich) o‘rinbosarlari mavjud.
Izohlar 2
Izoh qoldirish uchun ro'yxatdan o'ting!
Yangiliklar

Maktablardagi o‘qituvchilar soni 170 mingga ko‘paydi

Attestatsiyada yuqori ball olgan “informatiklar” Koreyada malaka oshiradi

Deyarli 60 foiz o‘qituvchi attestatsiyadan o‘tolmagan

Maktabgacha va maktab ta’limi vazirligining ayrim funksiyalari xususiy sektorga topshirilishi mumkin
Mavzuga doir yangiliklar

Maktabgacha va maktab ta’limi vazirligining ayrim funksiyalari xususiy sektorga topshirilishi mumkin
Savdo-sanoat palatasi tomonidan e’lon qilingan hujjatga ko‘ra, Maktabgacha va maktab ta’limi vazirligi tomonidan bajarib kelinayotgan ayrim davlat xizmatlari bosqichma-bosqich xususiy sektorga yo‘naltiriladi.

Maktabgacha va maktab ta’limi vazirligi rasmiy veb-sayti boshqa platformaga o‘tkaziladi
2025-yil 1-martdan boshlab vazirlik veb-sayti yagona platformaga o‘tkaziladi

Maktabgacha va maktab ta’limi vazirligi tomonidan 2024-yilda qanday ishlar amalga oshirildi?
2024-yilda amalga oshirilgan ishlar sarhisobi e’lon qilindi

Vazirlik ichki maxfiy buyruqlar imzolashni kamaytirishi kerak
Eng kerakli hujjatlardan biri maxfiy tarzda imzolangan
Izohingizni tahrirlang