O'zbek
Ta’lim vaziri o‘rinbosarlari soni 5 nafarga yetdi
Maktabgacha va maktab ta’limi vazirining pedagogik ta’limni rivojlantirish masalalari bo‘yicha o‘rinbosari lavozimi joriy etildi. U bir vaqtning o‘zida qayta tashkil etilayotgan Nizomiy nomidagi O‘zbekiston milliy pedagogika universiteti rektori vazifasini ham bajaradi.
Bu haqda O‘zbekiston Respublikasi Prezidentining “Pedagog kadrlar tayyorlash tizimini yanada takomillashtirish chora-tadbirlari to‘g‘risida”gi Farmonda nazarda tutilgan.
Ushbu lavozim respublikada pedagog kadrlar tayyorlash tizimini yagona yondashuv asosida yangi sifat bosqichiga olib chiqish maqsadida tashkil etildi.
Universitet pedagog kadrlar tayyorlash bo‘yicha yetakchi oliy ta’lim tashkiloti sifatida ta’lim dasturlarini xalqaro tajriba asosida transformatsiya qilish jarayonlarini muvofiqlashtiradi.
Shuningdek, respublikadagi jami 13 ta pedagogika oliy ta’lim tashkilotlari Maktabgacha va maktab ta’limi vazirligi tizimiga o‘tkazilmoqda.
Hozirgi kunda Nizomiy nomidagi Toshkent davlat pedagogika universiteti rektori Qirg‘izboyev Abdug‘affor Karimjonovich hisoblanadi.
Universitet qayta tashkil etilgach, Nizomiy nomidagi O‘zbekiston Milliy pedagogika universiteti rektori — pedagogik ta’limni rivojlantirish masalalari bo‘yicha vazir o‘rinbosari lavozimiga yangi nomzod tayinlanadimi, yo‘qmi, hozircha noma’lum.
Ma’lumot uchun: Hozirda Maktabgacha va maktab ta’limi vazirining bir nafar birinchi o‘rinbosari (Karimov Sherzod Abdurasulovich) hamda 3 nafar (Komilov Temurjon Kalandarovich, Boqiyev Farxod Esanovich, Radjabov Sardor Baxtiyorovich) o‘rinbosarlari mavjud.
Izohlar 2
Izoh qoldirish uchun ro'yxatdan o'ting!
Yangiliklar
“Tarbiya” fani yanada takomillashtirlib, ta’lim-tarbiya strategiyasi ishlab chiqiladi
Hokim Erkinjon Turdimov Ta’lim va ilm-fan vaziri etib tayinlandi
Maktab farroshligi uchun 1500$, bog‘cha tarbiyachiligi uchun 500$ olgan direktorlarga ozodlikni cheklash jazosi tayinlandi
Ta’lim tizimidagi takrorlanuvchi vazifalar qisqartiriladi, hududiy bo‘g‘inlar mas’uliyati kuchaytiriladi
Mavzuga doir yangiliklar
Ta'lim siyosati
Ta’lim tizimidagi takrorlanuvchi vazifalar qisqartiriladi, hududiy bo‘g‘inlar mas’uliyati kuchaytiriladi
Prezident Shavkat Mirziyoyev Ta’lim va ilm-fan vazirligi faoliyatini tashkil etish hamda ta’lim tizimining barcha bosqichlarida amalga oshirilishi lozim bo‘lgan ustuvor vazifalar yuzasidan taqdimot bilan tanishdi.
Yangiliklar
3 yil avval noqonuniy ishdan bo‘shatilgan Maktabgacha va maktab ta’limi vazirligi xodimi qayta ishga tiklandi
Avvalgi rahbariyat vaqtida qisqartirish deb nohaq ishdan bo‘shatilgan rahbar xodim vazir E’zoza Karimovaning buyrug‘i bilan ishga tiklandi.
Yangiliklar
Bir yil ichida ta’lim vazirligi xizmat safarlari uchun 3 mlrd so‘mdan ortiq mablag‘ ishlatdi
Bir yil davomida vazirlik tomonidan xorijiy safarlar uchun qariyb 2,5 milliard, hududiy xizmat safarlari uchun esa 875 mln so‘m mablag‘ sarflandi.
Yangiliklar
Maktabgacha va maktab ta’limi vazirligi tomonidan 2025-yilda qanday ishlar amalga oshirildi?
Maktabgacha va maktab ta’limi vazirligi 2025-yilda amalga oshirilgan ishlar haqidagi sarhisoblarni e’lon qildi.
Izohingizni tahrirlang