Vazir Hilola Umarovaga yangi o‘rinbosar tayinlandi

Karimova E’zozxon Gapirjоnovna Maktabgacha va maktab ta’limi vaziri o‘rinbosari — Nizomiy nomidagi O‘zbekiston milliy pedagogika universiteti rektori lavozimiga tayinlandi. Mazkur tayinlov Prezident Shavkat Mirziyoyev qarori bilan amalga oshirilgan.

E.Karimova bunga qadar Ixtisoslashtirilgan ta’lim muassasalari agentligi direktorining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi vazifasida ishlab kelayotgandi.

E.Karimova 2021-yilda Prezident, ijod va ixtisoslashtirilgan maktablarni rivojlantirish agentligi bo‘limi boshlig‘i, 2021-2023-yillarda Prezident ta’lim muassasalari agentligi direktori maslahatchisi lavozimlarida ishlagan.

2023-2024-yillarda Maktabgacha va maktab ta’limi vazirligi tizimidagi “Yangi O‘zbekiston” universitetining yoshlar masalalari va ma’naviy-ma’rifiy ishlar bo‘yicha prorektori vazifasida ham ishlagan.

E.Karimova O‘zbekiston Respublikasi davlat mustaqilligining 33 yilligi munosabati bilan Respublika Ma’naviyat va ma’rifat markazi tomonidan “Ma’naviyat fidoyisi” ko‘krak nishoni hamda “O‘zbekiston konstitutsiyasining 30 yilligi” esdalik nishoni bilan taqdirlangan.

Maktabgacha va maktab ta’limi vazirligi E.Karimovaning ilmiy faoliyati haqidagi ma’lumotlarni ochiqlamagan.