Endi 1-sinflarni o‘qitadigan o‘qituvchilar oliy yoki birinchi toifali bo‘lishi kerakmi?

Savol

Ijtimoiy tarmoqlarda “Joriy o‘quv yilidan 1-sinfni o‘qitadigan o‘qituvchilar oliy yoki birinchi toifali bo‘lishlari shart” degan mazmundagi xabarlar tarqalmoqda. Bu qanchalik asosli?

Javob

Amaldagi normativ hujjatlarda bu kabi qoidalar belgilanmagan. Amaldagi o‘qituvchilarning malaka talablariga ko‘ra, boshlang‘ich sinf o‘qituvchisi uchun — boshlang‘ich ta’lim ixtisosligi bo‘yicha kamida o‘rta maxsus pedagogik ma’lumot yoki kamida bakalavr darajasidagi oliy ma’lumot va boshlang‘ich ta’lim ixtisosligi bo‘yicha dars berish huquqi bilan kasbiy qayta tayyorlov kursini tugatganligining o‘zi yetarli.

Bu masala bir necha yil avval ham ijtimoiy tarmoqlarda tarqalib, keng muhokamalarga sabab bo‘lgan. Shundan so‘ng, biz masalaga oydinlik kiritish maqsadida Maktabgacha va maktab ta’limi vazirligi mas’ul xodimlari bilan bog‘langanimizda, mas’ullar ham bunday tartib joriy qilinishi haqida rejalar yo‘qligini ma’lum qilgan.

Umuman olganda, bunday talabning joriy qilinishi bir qancha muammolarni keltirib chiqarishi mumkin. Shu sababli, bu kabi xabarlarga ishonmaslikni tavsiya qilamiz.