O'zbek
Xususiy universitetlarga qabul jarayonlari davom etmoqda
18:00 / 01.06.2026
5.67k
Joriy yil 1-iyundan boshlab 2026/2027-o‘quv yili uchun qabul jarayonlari boshlangan. Amaldagi tartibga ko‘ra, nodavlat oliy ta’lim tashkilotlarida qabul jarayonlari har yili iyun–sentyabr oylarida o‘tkaziladi.
Ma’lumki, davlat oliy ta’lim muassasalariga talabalarni o‘qishga qabul qilish faqat imtihon natijalari asosida amalga oshiriladi. Nodavlat oliy ta’lim tashkilotlariga talabalikka qabul qilish esa har bir universitetning qabul komissiyasi tomonidan belgilangan tartib asosida amalga oshiriladi.
Xususiy oliygohlar orasida Profi University talabalarni kirish imtihoni orqali qabul qiladigan kam sonli universitetlardan biri hisoblanadi. Abituriyentlar mazkur oliygohga o‘qishga qabul qilinishi uchun universitet qabul komissiyasi tomonidan belgilangan quyidagi ballarni qo‘lga kiritishi kerak bo‘ladi:
- Stomatologiya — 100 ball
- Davolash ishi — 100 ball
- Iqtisodiyot — 80 ball
- Axborot tizimlari va texnologiyalari (IT) — 80 ball
- Ingliz tili filologiyasi — 80 ball
- Turizm va mehmondo‘stlik — 70 ball
- Bank ishi — 80 ball
- Pedagogika — 70 ball
- Psixologiya — 80 ball
- Buxgalteriya va audit — 80 ball
- Marketing — 80 ball
- Rus tili va adabiyoti — 70 ball
- O‘zbek tili — 70 ball
- Maktabgacha ta’lim — 60 ball
- Boshlang‘ich ta’lim — 70 ball
E’tiborlisi, oliygohlarga qabul jarayonlari endigina boshlangan bo‘lsa-da, ayrim xususiy universitetlarda abituriyentlar soni ming nafardan oshmoqda. Bu esa yoshlarning oliy ta’lim olishga bo‘lgan talabi yuqoriligini hamda nodavlat oliy ta’lim muassasalari ta’lim bozorida tobora muhim o‘rin egallab borayotganini ko‘rsatadi.
Ma’lumotlarga ko‘ra, 2025-yilgi qabul jarayonida Profi University kirish imtihonlarida 42 649 nafar abituriyent qatnashgan bo‘lsa, ulardan 7 831 nafari talabalikka tavsiya etilgan.
Eslatib o‘tamiz, 2025-yil 1-avgustdan boshlab har bir nodavlat oliy ta’lim muassasasi uchun qabul parametrlarining eng yuqori ko‘rsatkichi belgilangan. Kvotalar universitetlarning moddiy-texnik bazasi, pedagogik salohiyati hamda o‘quv-dasturiy ta’minotidan kelib chiqqan holda tasdiqlanadi.
Shuningdek, nodavlat oliy ta’lim muassasalarida maxsus davlat akkreditatsiyasidan o‘tmagan ta’lim dasturlari bo‘yicha talabalar qabuliga yo‘l qo‘yilmaydi. O‘qishga qabul faqat akkreditatsiyadan o‘tgan ta’lim yo‘nalishlari bo‘yicha amalga oshirilishi shart.
Qabul qilingan talabalar haqidagi ma’lumotlar har yili 1-oktyabrdan kechiktirmasdan HEMIS axborot tizimida ro‘yxatdan o‘tkazilishi lozim. Nodavlat OTMlarda talabalarning o‘qishini ko‘chirish, qayta tiklash, o‘qishdan chetlashtirish hamda bitiruvchilarni yakuniy attestatsiyadan o‘tkazish tartibi davlat oliy ta’lim muassasalari uchun belgilangan talablar asosida amalga oshiriladi.
Ma’lumot uchun, Profi University oliygohi o‘z faoliyatini litsenziya asosida amalga oshiradi. Universitet Toshkent shahridagi Bektemir va Beruniy kampuslari hamda Navoiy viloyatidagi filiali orqali ta’lim xizmatlarini ko‘rsatmoqda. Ma’lumotlariga ko‘ra, oliygohning ilmiy salohiyat darajasi 38 foizni tashkil etadi.
Izohlar 0
Izoh qoldirish uchun ro'yxatdan o'ting!
Yangiliklar
15:05 / 30.09.2026
O‘qituvchilarga 100 va 30 foizlik ustamalar beriladigan tizimi yo‘lga qo‘yiladi
14:23 / 30.09.2026
Endilikda boshlang‘ich sinflar uchun alohida fan olimpiadasi joriy qilinadi
13:33 / 30.09.2026
Prezident o‘qituvchilarga yangi imtiyozlar berilishini ma’lum qildi
13:18 / 30.09.2026
Xususiy maktab ochish uchun qo‘shimcha imtiyozlar joriy qilinadi
Mavzuga doir yangiliklar
Oliy ta’lim
1-oktaybrdan xususiy universitetlarga qabul yopiladi
O‘zbekistondagi nodavlat oliy ta’lim tashkilotlariga 2026/2027-o‘quv yili uchun qabul jarayonlari yakunlanishiga sanoqli kunlar qoldi.
16:40 / 29.09.2026
Bilasizmi?
Ishonchli universitetni qanday tanlash kerak?
Oliygoh tanlash bo'yicha tavsiyalar
10:46 / 11.09.2024
Oliy ta’lim
O‘zbekiston hindistonlik talabalarni qabul qilishga taqiq qo‘ydimi?
Ayni vaqtda hindistonlik talabalarning O‘zbekistondagi oliy ta’lim muassasalariga qabul qilinishiga cheklovlar qo‘yilgan. Mazkur cheklov nima sababdan, qanday maqsadda qo‘yilgani hozircha noma’lum.
23:41 / 10.09.2026
Oliy ta’lim
Oliygoh bitiruvchilarining bandlik darajasi haqidagi tahlillar e’lon qilindi
249 432 nafar bitiruvchining natijalari respublika miqyosidagi 170 ta oliy taʼlim tashkiloti boʻyicha bo‘yicha tahlil qilingan. Tahlil doirasida bitiruvchilarning mehnat bozoriga chiqishi uchun qancha vaqt talab etilishi, ularning qaysi qismi barqaror bandligini saqlab qolishi va oʻrtacha rasmiy daromadlari qanday ekani oʻrganilgan.
14:50 / 26.08.2026
Izohingizni tahrirlang