O'zbek
36 nafar o‘quvchini 2 ta sinfga komplektlash mumkinmi?
Savol
Men maktab o‘quv ishlari bo‘yicha direktor o‘rinbosariman. Maktabning 11-sinf o‘quvchilari soni 36 nafar. Shu sababli, EduERP bazasida titul yaratish qilsam, siz ortiqcha sinf yaratyapsiz, degan yozuv chiqyapti. 36 nafar o‘quvchi ikkita sinf bo‘lmaydimi? EduERP bazasi nimaga bunday ma’lumot beryapti?
Javob
Ta’lim muassasalarida sinflarni tashkil etish "Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida"gi nizom bilan tartibga solinadi. Nizomga ko‘ra, o‘quvchilar belgilangan me’yorlar asosida bitta sinfga jamlanadi.
Umumta’lim muassasalarining sinflari o‘quvchilar sonidan kelib chiqib, shahar hududi va tuman markazlarida 25 ― 35 nafargacha, qishloq hududlarida esa 20 ― 35 nafargacha (olis (tog‘li, cho‘lli) hududlarda joylashgan umumta’lim muassasalari bundan mustasno) komplektlanadi.
O‘quvchilar soni mazkur me’yorlardan kam bo‘lgan hollarda umumta’lim muassasasi hamda hududiy maktabgacha va maktab ta’limi bo‘limlari hamda hududiy iqtisodiyot va moliya organlari bilan kelishilgan holda sinflar komplektlanishi lozim.
Davlat budjeti mablag‘laridan oqilona foydalanish va ortiqcha xarajatlarga yo‘l qo‘ymaslik maqsadida umumta’lim muassasalarida belgilangan me’yorlardan ortiq sinflar komplektlarini shakllantirishga yo‘l qo‘yilmaydi.
Shu sababli, savolda ko‘rsatilganidek, 11-sinfda jami 36 nafar o‘quvchi mavjud bo‘lsa, ularni 18 nafardan ikkita sinfga ajratish amaldagi me’yorga mos kelmaydi. Chunki bunda har ikkala sinfdagi o‘quvchilar soni belgilangan minimal me’yordan kam bo‘lib qoladi.
Aynan shu sababli EduERP tizimi ikkinchi sinfni “ortiqcha sinf komplekti” sifatida baholab, ogohlantirish bermoqda. Bunda tizimning asosiy maqsadi sinflarni imkon qadar belgilangan me’yor doirasida shakllantirish va davlat budjeti hisobidan ortiqcha xarajatlarning oldini olishdan iborat.
Agar maktabda 36 nafar o‘quvchini ikki sinfga ajratish uchun yetarli asoslar mavjud bo‘lsa, bu holat hududiy maktabgacha va maktab ta’limi bo‘limi hamda iqtisodiyot va moliya organlari bilan kelishilgan holda amalga oshirilishi lozim.
Izohlar 0
Izoh qoldirish uchun ro'yxatdan o'ting!Maqola muallifi
Ulug'bek Po'latov
Loyiha asoschisiTeglar
- Davlat budjeti
- Sinflarni komplektlash
Ulashish
Yangiliklar
Samarqandda ham MMTB mas’ullari 1,1 mlrd so‘mlik budjet mablag‘larini talon-toroj qildi
O‘zbekiston TIMSS 2027 va PISA 2029 tadqiqotida ham ishtirok etadi
O‘quvchiga zo‘ravonlik qilgan o‘qituvchilar 2,2 mln so‘mgacha jarimaga tortilishi va ishdan bo‘shatilishi ham mumkin
Vazirlik attestatsiya testlarini yana pullashni boshladimi?
Mavzuga doir yangiliklar
Yangiliklar
Ta’limga ajratilgan mablag‘lar nimalarga sarflandi?
2026-yilning birinchi yarim yilligida ta’lim tizimiga ajratilgan mablag‘lar bog‘chalarni qo‘llab-quvvatlash, darsliklar chop etish, pedagoglarni rag‘batlantirish va malakasini oshirish, maktablarni jihozlash hamda oliy ta’lim va ilm-fanni rivojlantirishga sarflandi.
Yangiliklar
2026-yilda ham darsliklar ijarasi bepul bo‘ladi, 106,4 mln dona nusxa darslik va mashq daftarlari chop etiladi
2026-yilda maktab darsliklari uchun 1 trln 985 mlrd so‘m yoki 2025-yilga nisbatan 53 foiz ko‘p mablag‘lar yo‘naltirish rejalashtirilmoqda.
Ta'lim siyosati
2026-yilda ta’lim uchun Davlat budjetidan qancha pul ajratilyapti?
2026-yilda umumiy o‘rta ta’lim xarajatlari 63,7 trln so‘mni yoki Davlat budjeti jami xarajatlarining 15,8 foizini tashkil etishi prognoz qilinmoqda.
Yangiliklar
Ta’lim muassasalari yong‘in xavfsizligi uchun budjetdan qachon pul ajratiladi?
Oliy Majlisi Qonunchilik palatasida ta’lim tashkilotlarining yong‘in xavfsizligi uchun davlat budjetidan mablag‘ ajratilmasligi masalasi ko‘tarildi.
Izohingizni tahrirlang