Endilikda 2-sinfda ham “Informatika”, 5-sinfda esa “Tabiiy fan (Science)” fani o‘qitiladi

12:30 / 23.04.2024 5.33k

Yangi o‘quv yilidan boshlab, umumiy o‘rta ta’lim maktablarining 2-sinfida ham haftasiga 1 soatdan “Informatika va axborot texnologiyalari” fani o‘qitiladi. O‘tgan yili mazkur fan 1-sinf o‘quvchilari uchun joriy qilingandi.

1-2-sinflarda “Informatika va axborot texnologiyalari” fani oʻquvchilarning mantiqiy fikrlashini rivojlantirishga asoslanganligi sababli mazkur fan boshlangʻich sinf oʻqituvchilari tomonidan oʻqitiladi.

Bu haqda Maktabgacha va maktab taʼlimi vazirining 2024-yil 3-martdagi 94-sonli buyrug‘i bilan tasdiqlangan umumiy oʻrta taʼlim maktablari uchun 2024-2025-oʻquv yiliga moʻljallangan tayanch oʻquv rejada nazarda tutilgan.

Shuningdek, vazirning mazkur buyrug‘i bilan 5-sinfda “Tabiiy fan (Science)” fani o‘qitilishi yo‘lga qo‘yiladi. Bunda ushbu fan 1-2-sinflarda 1 soatdan, 3-5-sinflarda 2 soatdan, 6-sinfda esa 3 soatdan oʻqitiladi.

“Tabiiy fan (Science)” fani boshlangʻich sinflarda boshlangʻich sinfoʻqituvchilari va 5-6-sinflarda esa “Fizika”, “Biologiya”, “Geografiya” fanlari oʻqituvchilari tomonidan oʻqitiladi.

Bunda, ushbu fan dars soatlari Umumta’lim muassasalarida sinflarnikomplektlash hamda tarifikatsiya roʻyxatlarini shakllantirish tartibi toʻgʻrisidaginizomning (Oʻzbekiston Respublikasi Adliya vazirligi tomonidan 2020-yil 30-iyundaroʻyxatdan oʻtkazilgan, roʻyxat raqami 3271) 15-bandida belgilangan koʻrsatkichlarketma-ketligi asosida taqsimlanadi.