O'zbek
A.Avloniy nomidagi malaka oshirish institutining nomi 13-marotaba o‘zgartirildi
16:40 / 26.06.2024
8.36k
Xabaringiz bor, yaqinda O‘zbekiston Respublikasi Prezidentining “Maktabgacha va maktab ta’limi tashkilotlari xodimlarini uzluksiz kasbiy rivojlantirish tizimini takomillashtirish bo‘yicha qo‘shimcha chora-tadbirlar to‘g‘risida”gi qarori imzolandi.
Mazkur qaror bilan A.Avloniy nomidagi pedagoglarni kasbiy rivojlantirish va yangi metodikalarga o‘rgatish milliy-tadqiqot instituti negizida A.Avloniy nomidagi pedagogik mahorat milliy instituti tashkil etildi.
Umuman olganda mazkur malaka oshirish instituti nomi hozirgi kunga qadar bir necha bor o‘zgartirilib kelingan.
A.Avloniy nomidagi pedagoglarni kasbiy rivojlantirish va yangi metodikalarga o‘rgatish milliy-tadqiqot instituti — O‘zbekistondagi eng yirik o‘qituvchilar malakasini oshirish instituti hisoblanadi. Dastlab, institut boshlang‘ich maktab o‘qituvchilarini tayyorlash kursi negizida Xalq taʼlimi kadrlari malakasini oshirish instituti nomi bilan tashkil etilgandi.
Keyinchalik institut nomi quyidagicha nomlar bilan o‘zgartirib borildi
- 1934-yildan — Xalq ta’limi kadrlar malakasini oshirish instituti;
- 1941-yildan — Respublika o‘qituvchilar malakasini oshirish instituti;
- 1945-yildan — K.D.Ushiniskiy nomidagi Respublika o‘qituvchilar malakasini oshirish instituti;
- 1964-yildan — K.D.Ushiniskiy nomidagi Respublika o‘qituvchilar malakasini oshirish va qayta tayyorlash Markaziy instituti;
- 1992-yildan — A.Avloniy nomidagi xalq ta’limi xodimlarining malakasini oshirish Markaziy instituti;
- 2001-yildan— A.Avloniy nomidagi Xalq ta’limi xodimlarini qayta tayyorlash va malakasini oshirish Markaziy instituti;
- 2003-yildan — A.Avloniy nomidagi pedagoglarni qayta tayyorlash va malakasini oshirish instituti;
- 2004-yildan — A.Avloniy nomidagi Xalq ta’limi rahbar xodimlari malakasini oshirish Markaziy instituti;
- 2006-yildan — A.Avloniy nomidagi Xalq ta’limi xodimlarini qayta tayyorlash va malakasini oshirish Markaziy instituti;
- 2017-yildan — A.Avloniy nomidagi Xalq ta’limi tizimi rahbar va mutaxassis xodimlarini qayta tayyorlash va malakasini oshirish instituti;
- 2019-yilda — A.Avloniy nomidagi xalq ta’limi vazirligi akademiyasini tashkil etish taklifi ham berilgan (ushbu taklif amalga oshmagan);
- 2020-yildan — A.Avloniy nomidagi xalq ta’limi muammolarini o‘rganish va istiqbollarini belgilash ilmiy-tadqiqot instituti;
- 2022-yildan — A.Avloniy nomidagi pedagoglarni kasbiy rivojlantirish va yangi metodikalarga o‘rgatish milliy-tadqiqot instituti;
- 2024-yildan — A.Avloniy nomidagi pedagogik mahorat milliy instituti tashkil etildi.
Prezidentning 2024-yil 21-iyundagi “Maktabgacha va maktab taʼlimi tashkilotlari xodimlarini uzluksiz kasbiy rivojlantirish tizimini takomillashtirish boʻyicha qoʻshimcha chora-tadbirlar toʻgʻrisida”gi PQ-231-sonli qarori bilan Institutning asosiy vazifalari ham belgilandi.
Eslatib o'tamiz, ayni vaqtda Toshkent shahar, Olmazor tumanida joylashgan A.Avloniy nomidagi milliy-tadqiqot institutida qayta rekonstruksiya ishlari olib borilmoqda. Institut mutlaqo yangidan, eng zamonaviy texnologiyalar asosida qayta ta'mirlanmoqda.
Kelgusida institutning zamonaviy o‘quv binosi, so‘nggi texnologiyalar bilan jihozlangan o‘quv xonalari, barcha sharoitlarga ega turar joylari va amaliyot o‘tash uchun o‘z maktabi ham bo‘lishi reja qilingan.
Izohlar 0
Izoh qoldirish uchun ro'yxatdan o'ting!
Yangiliklar
11:30 / 04.05.2026
Jismoniy tarbiya o‘qituvchilari uchun amaliy imtihon sanasi aniq bo‘ldi
15:20 / 29.04.2026
Qoraqalpog‘iston Respublikasi maktabgacha va maktab ta’limi vaziri lavozimiga yangi rahbar tayinlandi
07:50 / 23.04.2026
Vazir attestatsiyadan norozi bo‘lgan bir guruh o‘qituvchilarga duch keldi
13:20 / 20.04.2026
Jismoniy tarbiya fani o‘qituvchilari Prezident administratsiyasi va Sport vazirligiga murojaat yo‘lladi
Mavzuga doir yangiliklar
Yangiliklar
O‘qituvchilarni xorijga malaka oshirishga yuborish bo‘yicha prezident topshirig‘i nega to‘liq bajarilmadi?
Prezident topshirig‘iga asosan har bir tuman (shahar)dan 5 nafardan, jami 1000 nafardan ortiq maktab o‘qituvchilari xorijga malaka oshirishga yuborilishi lozim edi.
19:56 / 22.04.2026
Yangiliklar
Vazir E’zoza Karimova maktabda dars o‘tdi
E’zoza Karimova Namangan viloyati, Davlatobod tumanidagi 48-maktabda tashkil qilingan “Kelajak soati” doirasida “Muqaddas ayol” mavzusida dars o‘tdi.
13:36 / 02.03.2026
Yangiliklar
Ilxom Siradjev yangi lavozimga tayinlangandan so‘ng ilk bor jamoatchilikka ko‘rinish berdi
O‘zbekiston Respublikasi Prezidenti Administratsiyasi rahbarining ta’limni isloh qilish bo‘yicha o‘rinbosari lavozimiga tayinlanganiga 10 kun bo‘lgan Ilxom Siradjev ilk bor jamoatchilikka ko‘rinish berdi.
23:40 / 26.02.2026
Ta'lim siyosati
Maktabgacha va maktab ta’limi vazirligiga qanday vazifalar belgilab berildi?
O‘zbekiston Respublikasi Prezidentining “Mahallani rivojlantirish va jamiyatni yuksaltirish” yilida ustuvor yo‘nalishlar bo‘yicha islohotlar dasturlari va “O‘zbekiston - 2030” strategiyasini amalga oshirish bo‘yicha davlat dasturi to‘g‘risida”gi Farmoni qabul qilindi.
16:00 / 18.02.2026
Izohingizni tahrirlang