O'zbek
“Qizil” maktabda ishlayotgan o‘qituvchining shartnoma muddati tugasa nima bo‘ladi?
10:30 / 06.07.2024
8.85k
Savol
Men qo‘shni tumanga “qizil” maktabga ishga kirgandim. Shartnoma 3 yilga tuzilgan edi. Shartnoma muddati sentyabr oyida tugaydi.
Endi yana shu maktabda ishni davom ettirmoqchiman. Maktab rahbari bo‘shash haqida ariza yozmasam ham shartnomani bekor qilishga haqlimi? Yana ishni shartnoma muddati tugagan bo‘lsa ham davom ettira olamanmi?
Javob
O‘zbekiston Respublikasi Prezidentining 2021-yil 11-yanvardagi PQ-4940-son qarori hamda Vazirlar Mahkamasining 2021-yil 15-oktyabrdagi 646-son qarori bilan ta’lim darajasi yuqori bo‘lmagan maktablarda ta’lim berish uchun boshqa hududlardan o‘qituvchi-pedagoglarni jalb etish tartibi belgilangan.
Unga ko‘ra oliy ma’lumotga va birinchi yoki oliy malaka toifali, kamida bir yil pedagogik ish stajiga ega bo‘lgan pedagoglar ta’lim sifati past bo‘lgan maktablarga boshqa hududlardan jalb etilgan taqdirda ularga 50 foizdan – 100 foizgacha ustama to‘lanadi.
Amaldagi tartibga muvofiq belgilangan tartib asosida o‘qituvchi-pedagoglar qonunchilikda belgilangan tartibda vakant lavozimga yangi o‘quv yilining birinchi kunidan boshlab ishga qabul qilinadi.
Lekin “Ta’lim darajasi yuqori bo‘lmagan maktablarda ta’lim berish uchun boshqa hududlardan o‘qituvchi-pedagoglarni jalb etish tartibi to‘g‘risida”gi Nizomda pedagoglar bilan muddatli mehnat shartnomasi tuzilishi haqida qoida mavjud emas.
Agar bunday qoida mavjud bo‘lgan taqdirda ham Mehnat kodeksiga zid bo‘lib qolardi. Mehnat kodeksining 111-moddasida muddatli mehnat shartnomasini tuzishning asoslari sanab o‘tilgan. Shuningdek, 112, 113-moddalarda muddatli mehnat shartnomasi tuzilishi mumkin va shart bo‘lgan holatlar keltirilgan.
Agar muddatli mehnat shartnomasi 112, 113-moddalarda belgilangan talablarga mos tushmasa, mehnat shartnomasi nomuayyan muddatga tuzilgan deb topiladi.
Demak, yuqoridagi vaziyatda ham xodim bilan tuzilgan mehnat shartnomasi nomuayyan muddatga tuzilgan hisoblanadi. Demak, ta’lim darajasi yuqori bo‘lmagan maktablarda ta’lim berish uchun boshqa hududlardan jalb qilingan o‘qituvchi-pedagoglar bilan muddatli mehnat shartnomasi tuzish mumkin emas.
Xulosa shuki, “qizil” maktabga boshqa hududdan jalb qilingan pedagog bilan mehnat shartnomasi muddati tugagan bo‘lsa ham pedagog yana shu maktabda ish faoliyatini davom ettirishi mumkin. Chunki, muddatli mehnat shartnomasi tuzish uchun yetarli asoslar mavjud emas.
Diqqat: Pedagog xodim ikki o‘quv yili davomida “qizil” toifadagi maktabda ishlagan bo‘lsa, shu maktabda ishlayotganligi uchun to‘lanadigan ustamalar to‘xtatiladi.
Chunki, “Ta’lim darajasi yuqori bo‘lmagan maktablarda ta’lim berish uchun boshqa hududlardan o‘qituvchi-pedagoglarni jalb etish tartibi to‘g‘risida”gi Nizomning 5-bob, 22-bandiga ko‘ra o‘qituvchi-pedagoglar faoliyat yuritayotgan maktab ikki o‘quv yili davomida ta’lim darajasi yuqori bo‘lmagan maktablar ro‘yxatidan chiqarilmasa, o‘qituvchi-pedagoglarga belgilangan boshqa hududlardan jalb etilganligi uchun to‘lanadigan maxsus ustamalarni to‘lash to‘xtatiladi.
Maxsus ustamalar pedagoglar borgan maktab ta’lim darajasi yuqori bo‘lmagan maktablar ro‘yxatidan chiqarilgan taqdirda, ro‘yxatdan chiqqan yildan keyingi o‘quv yili uchun to‘lanadi xolos. Ya’ni, qaysi holatda bo‘lishidan qat’i nazar maxsus ustamalar faqat ikki o‘quv yili davomida to‘lab beriladi.
Eslatma: Pedagog xodimlar bilan muddatli mehnat shartnomasi tuzishning asoslari haqidagi qo‘shimcha ma’lumotlarni mehnat huquqi bo‘yicha mutaxassis, Muhammadamin Karimjonovning quyidagi audiosharhi orqali bilib olishingiz mumkin.
Izohlar 0
Izoh qoldirish uchun ro'yxatdan o'ting!Maqola muallifi
Ulug'bek Po'latov
Loyiha asoschisiTeglar
- ustama
- Maktab reytingi
- Ta'lim sifati
Ulashish
Yangiliklar
12:22 / 22.09.2026
O‘zbekiston TIMSS 2027 va PISA 2029 tadqiqotida ham ishtirok etadi
14:11 / 18.09.2026
O‘quvchiga zo‘ravonlik qilgan o‘qituvchilar 2,2 mln so‘mgacha jarimaga tortilishi va ishdan bo‘shatilishi ham mumkin
13:45 / 16.09.2026
Vazirlik attestatsiya testlarini yana pullashni boshladimi?
11:13 / 16.09.2026
MMTB mas’ullari 1 mlrd so‘mlik budjet mablag‘larini talon-toroj qilgani aniqlandi
Mavzuga doir yangiliklar
So'ragan edingiz
O‘qituvchi ta’tilda bo‘lgan davri uchun ham sertifikat uchun ustama to‘lab beriladimi?
Mehnat kodeksining 233-moddasiga muvofiq har yilgi mehnat ta’tilida bo‘lgan vaqti uchun xodimga ushbu Kodeksning 257-moddasiga muvofiq hisoblab chiqariladigan o‘rtacha ish haqining saqlanishi kafolatlanadi.
12:17 / 21.09.2026
So'ragan edingiz
O‘qituvchilarga direktor jamg‘armasi hisobidan ustama tayinlashning to‘liq tartibi qanday?
Pedagog xodimlar ish faoliyati 9 ta mezon bo‘yicha, jami 100 ballik tizimda baholanadi. Pedagog xodimlarning faoliyatini baholash mezonlari asosida toʻplagan umumiy ballari boʻyicha ularga ustama haq belgilanadi.
09:00 / 01.07.2026
So'ragan edingiz
To‘garak o‘tgan o‘qituvchiga ustama uchun ball beriladimi?
Direktor jamg‘armasidan ustama olish uchun hujjat topshirgandim. Ish faoliyatim davomida bo‘sh o‘zlashtiruvchi va iqtidorli o‘quvchilar bilan ishlab to‘garak o‘tganman. Ammo “zavuch” bilan direktor unga hech qanday ball berilmaydi deyapti, shu to‘g‘rimi?
14:50 / 02.06.2025
Yangiliklar
O‘qituvchilarning malaka toifasi hisobga olingan holda ustama ballari qayta hisoblanadi
Ishchi guruhlar pedagoglarga qo‘yilgan ballarni qayta hisob-kitob qiladi hamda zarur hollarda ustama tayinlash to‘g‘risidagi buyruqlarga tegishli qo‘shimcha va o‘zgartirishlar kiritadi.
11:45 / 18.06.2026
Izohingizni tahrirlang