Endilikda bog'cha xodimlariga ham vazir jamg'armasidan ustamalar beriladi

Vazirlar Mahkamasining 2022-yil 2-avgustdagi 425-son qarori bilan tasdiqlangan "Xalq ta’limi vazirining jamg‘armasi to‘g‘risida"gi Nizomga ko‘ra vazir ustamasiga faqat vazirlik tizimidagi umumiy o‘rta ta’lim muassasalarida faoliyat yuritayotgan malakali pedagog kadrlar da’vogarlik qilishi mumkin edi.
Ushbu qaror imzolangan vaqtda Maktabgacha ta’lim agentligi alohida tashkilot hisoblanib, vazirlik tuzilmasiga kirmasdi.
O‘zbekiston Respublikasi Prezidentining 2024-yil 2-iyuldagi PF-98-sonli farmoni bilan Maktabgacha ta’lim agentligi faoliyati tugatilib, agentlikning tashkiliy tuzilmasidagi tashkilotlar Maktabgacha va maktab ta’limi vazirligi tasarrufiga o‘tkazilgandi.
Endilikda, “Maktabgacha ta’lim sifati va samaradorligini yanada oshirish bo‘yicha qo‘shimcha chora-tadbirlar to‘g‘risida”gi Prezident Farmoni (PF-152-son, 30.09.2024 y.) bilan maktabgacha ta’lim tashkilotlari pedagog xodimlari ham vazir ustamasini olishi mumkin bo‘ladi.
Ma’lumot uchun: Katta ehtimol bilan maktabgacha ta’lim tashkilotlari pedagog xodimlarining vazir ustamasiga da’vogarlik qilishi umumiy o‘rta ta’lim muassasalarida faoliyat yuritayotgan o‘qituvchilar imkoniyatini cheklamaydi. Ya’ni, vazir ustamasini belgilashda maktabgacha ta’lim tashkilotlari pedagog xodimlari uchun alohida kvota ajratilishi mumkin.
Natijada esa bu umumiy o‘rta ta’lim muassasalarida faoliyat yuritayotgan o‘qituvchilar kvotasiga ta’sir ko‘rsatmaydi.
Eslatib o‘tamiz, 2024-yil uchun vazir jamg‘armasi hisobidan har oylik ustama oladigan pedagoglar kvotasi soni 1250 nafar etib belgilangan. Shundan 1150 ta kvota umumta’lim muassasalari pedagoglari uchun, 100 ta kvota Ixtisoslashgan ta’lim muassasalari pedagoglari uchun ajratilgan.
Izohlar 0
Izoh qoldirish uchun ro'yxatdan o'ting!
Yangiliklar

O‘quvchilar o‘rtasida Alisher Navoiy olimpiadasi o‘tkazilib, g‘oliblar grand asosida o‘qishga qabul qilinadi

Musiqa va jismoniy tarbiya fani o‘qituvchilari milliy sertifikatni qay tartibda qo‘lga kiritishi aniq bo‘ldi

Vazir E’zoza Karimovaga deputatlik so‘rovi yuborildi

Fan olimpiadasi testlari tarqalishiga sababchi bo‘lganlar javobgarlikka tortiladi
Mavzuga doir yangiliklar

Sanitariya talablari buzilgani uchun ayrim xususiy bog‘chalar yopildi
60 ta bog‘chaning oshxonasi ta’mirtalab holda ekani, suv ta’minotida uzilishlar borligi, qo‘l yuvish uskunalari yetarli darajada jihozlanmagani ma’lum bo‘ldi.

Jizzaxdagi bog‘chada zaharlangan bolalardan 4 nafari shifoxonada qolmoqda
Bolalar ombudsmani 1,3,5 va 7-sonli davlat maktabgacha ta’lim tashkilotlarida bo‘lib, monitoring o‘rganishi o‘tkazdi.

Bog‘cha bolalari ommaviy zaharlandi, vazir holatni shaxsan nazoratga oldi
24-sentyabr kuni Toshkent viloyatining Piskent va Bo‘ka tumanlaridagi bir necha maktabgacha ta’lim tashkiloti tarbiyalanuvchilari ovqatdan zaharlangani haqida xabar tarqaldi.

Yana bog‘cha bolalari ovqatdan zaharlandi
Jizzax viloyatining Forish tumanidagi maktabgacha va maktab ta’limi bo‘limiga qarashli 1, 3, 5 va 7-sonli davlat maktabgacha ta’lim muassasalarining 3 yoshdan 7 yoshgacha bo‘lgan 37 nafar tarbiyalanuvchilari ovqatdan zaharlangani ma’lum bo‘ldi.
Izohingizni tahrirlang